د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د هلمند کروندګرو ته د کوکنارو بدیل لپاره پر نوو بوټو څېړنه کېږي

د هلمند کروندګرو ته د کوکنارو بدیل لپاره پر نوو بوټو څېړنه کېږي

Sep 15, 2019 - 17:46

لښکرګاه (پژواک، ٢٤ وږى ٩٨): د هلمند د کرنې رياست مسوولين وايي چې د دوى په څېړنيز فارم کې د سويابين او الويرا په ګډون تر ٤٠ ډېر کرنيز بوټي تر څېړنې لاندې دي چې د کوکنارو د کښت يو ښه بديل کېداى شي.

د هلمند د کرنې رييس زلمي الکو د وږي په ٢٤مه پژواک خبري اژانس ته وويل چې د دغه ولايت په څېړنيز فارم کې ٤٠ ډله کرنيز تخمونه تر څېړنو لاندې دي چې په خپل وخت کې به پر کروندګرو و وېشل شي.

د هغه د معلوماتو له مخې، په فارم کې دغه ځل څلور نوي تخمونه سويابين، ګنی، لبلبو او الويرا هم تر څېړنو لاندې نيول شوي دي.

دى زياتوي: ((موږ دغه نوي کښتونه هم څېړو ګورو که ښه نتيجه يې درلوده نو پر ګروندګرو يې وېشو.))

د نوموړي په وينا، که چېرې دغه کښتونه ښه پايله ولري نو د کوکنارو د کښت يو ښه بديل هم کېداى شي.

د الکو په وينا، په پام کې ده چې په راتلونکي کې د کروندګرو لپاره د کبانو او هيليو ساتلو فارمونه هم جوړ شي.

د هلمند د کرنې څېړنيز فارم يوه کروندګر حميدالله پژواک ته وويل چې د سويابينو، لبلبو او الويرا تخمونو په دغه فارم ښه وده کړې ده.

دى وايي: ((موږ يې چې ودې ته ګورو نو هيله مند يو چې په راتلوونکي کې به د کوکنار د کښت يو ښه بديل شي.))

دغه راز د دغه فارم يو بل کروندګر عبدالوارث پژواک ته وويل چې حکومت بايد د دغو نوو کښتونو حاصلاتو ته د بازارموندنې لپاره کار وکړي.

ده زياته کړه: ((زه مطمين يم چې ښه نتيجه ورکوي، سر له اوسه بايد ورته بازارموندنه وشي.))

د هلمند د کرنيز فارم د مسوولينو د معلوماتو له مخې، هر کال په دغه فارم کې يو نوى نبات تر څېړنې لاندې نيول کېږي چې تر اوسه یې پایله ٩٠ په سلو کې ښه ده.

ورته راپورونه:

نظر ورکړئ

اعلانونه

Advertisement