کندهار (پژواک، ۲۴ وږی ۹۸): له هغه وروسته چې خلکو د کندهار ښاروالۍ د خدماتي او پرمختیايي چارو له ټکني حالته شکایت وکړ، دغې ادارې په کندهار ښار کې د یو شمېر سړکونو د جوړولو چارې پیل کړې دي.
په دې لړ کې یو هم د کندهار ښار د علامه حبیبي واټ دی چې د جوړولو قرارداد یې یونیم کال مخکې شوی و خو کار یې نیمګړی پاتې و.
کندهار ښاروالۍ همدا نن د دغه سړک پخولو کار پیل کړ.
د کندهار ښاروال انجنير محمد رفيع حيات پژواک خبري اژانس ته وویل، د دغه سړک جوړولو کار د ښاري اوبو رسولو او کانالیزاسیون شرکت د اوبو د پایپونو او افغان ټلیکام مخابریاتي شرکت د مزو غځولو له امله ځنډېدلی و.
هغه زیاته کړه، د دغه سړک جوړولو چارې له تېرو څو ورځو راهیسې پیل شوې وې چې نن یې د پخولو چارې پيل شوې.
ده ومنله چې د کندهار ښار په زړه کې د دغه سړک د کارونو ځنډېدو له امله کندهار ښاریان له ستونزو سره مخ وو.
خو دی وايي چې د دغه سړک په جوړېدو سره به د خلکو ستونزې حل شي او ترافیکي ګڼه ګوڼه به هم کمه شي.
د دغه سړک پر جوړولو ۲۲ میلیونه افغانۍ لګښت راځي چې د ښاروالۍ له پرمختیايي بودجې ورکول کېږي.
دغه واټ چې مخکې یې ۱۸ متره عرض درلود، د ښاروالۍ له خوا د ملکیتونو تر استملاک وروسته د ۴۰ متره په اندازه پراخ شو.
ښاروالۍ ژمنه کړې وه چې دغه واټ به د ۱۰ میاشتو په موده کې جوړوي خو شاوخوا یو نیم کال وخت یې ونیو.
د دې ترڅنګ د کندهار ښار په حاجي عزیز سیمه کې د ۶۹۵ متره په اوږدولي سړک د جوړولو چارې بشپړې شوې.
حیات وویل، دغه سړک د ولسي تړون پروګرام له لارې د څه باندې ۱۱ میلیونه افغانیو په لګښت جوړ شوی دی.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن