د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

طالبانو سره صليب ته یو ځل بیا په افغانستان کې د فعاليت اجازه ورکړه

طالبانو سره صليب ته یو ځل بیا په افغانستان کې د فعاليت اجازه ورکړه

Sep 15, 2019 - 09:44

کابل (پژواک، ٢٤ وږى ٩٨): طالبان وايي چې د سره صليب نړيوالې کمېټې ته یې يو ځل بيا په افغانستان کې د فعاليت اجازه ورکړې ده.

طالبانو څو مياشتې مخکې د ځينو ملحوظاتو له امله د دې کمېټې پر فعاليتونو بنديز لګولى و.

د طالبانو له خوا د وږي په ٢٤مه په يوه خپره شوې خبرپاڼه کې راغلي چې دوى د سره صليب نړيوالې کمېټې د فعاليتونو د څرنګوالي په اړه يو لړ مهم ملاحظات درلودل چې له امله يې پر فعاليتونو بنديز لګېدلی و.

سرچينې زياته کړې، دغه راز هغه امنيتي تعهد ترې لغوه شوی و چې طالبان يې په عمومي ډول په افغانستان کې ژمنو موسسو ته ورکوي.

په خبرپاڼه کې راغلي، د قطر په پلازمېنه دوحه کې د طالبانو د مسوولينو او د سره صليب نړيوالې کمېټې د مشرانو ترمنځ تر مسلسلو اړيکو او بحثونو وروسته د سره صليب نړيوالي کمېټې او د دوى ترمنځ پر پخوانيو تعهداتو سربېره د بشري مرستو په برخه کې نوې ژمنې هم وشوې چې پر اساس يې دوی ته د بيا فعالیت اجازه ورکړل شوه.

سرچينې زياته کړې، طالبان د دې اعلاميې له لارې هغه امنيتي ژمنه چې مخکې په افغانستان کې د سره صليب نړيوالې کمېټې ته ورکړل شوې وه، بېرته معتبره ګڼي او ټولو طالبانو ته لارښوونه کوي چې د سره صليب نړيوالې کمېټې فعاليتونو ته زمينه برابره کړي او د دې ادارې د کارکوونکو او اړوندو اجناسو حفاظت ته پاملرنه وکړي.

ورته راپورونه:

نظر ورکړئ

اعلانونه

Advertisement