د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

مشرانو جرګې د ټاکنو امنیت د ټينګښت لپاره د جدي ګامونو اخيستو غوښتنه وکړه

مشرانو جرګې د ټاکنو امنیت د ټينګښت لپاره د جدي ګامونو اخيستو غوښتنه وکړه

Sep 15, 2019 - 19:53

کابل (پژواک، ۲۴وږی ۹۸): د مشرانو جرګې ځينې غړي په هېواد کې اوسنی وضعیت د ټاکنو لپاره مناسب نه بولي او وايي چې ځینې لارې تړلې دي او حکومت باید د ټاکنو لپاره امنیت برابر کړي.

تمه ده چې د روان کال د تلې په شپږمه ولسمشریزې ټاکنې ترسره شي.

د مشرانو جرګې منشي مولوي عبدالله قرلق چې د دغې جرګې په نننۍ غونډه کې یې خبرې کولې، د امنیت نشتوالی یې د ټاکنو پر واړندې ستر خنډ وباله.

هغه زیاته کړه: «لومړی باید یوې پروسې ته زمینه برابره شي او وروسته عملي بڼه غوره کړي، اوس مهال د ټاکنو لپاره عمومي شرایط برابر نه دي، د تخار مسیر تر کندوز، بلخ تر جوزجان، جوزجان تر فاریاب، بلخ تر سرپل او نورې لارې تړلې دې».

نوموړی چې د رڼو، عادلانه او سرتاسري ټاکنو د ترسره کولو غوښتونکی و، وویل: «که چېرته زمینه برابره نه شي، خلک به په ټاکنو کې ګډون ونه کړي، هېڅوک تیار نه دي څو د ټاکنو یو نوماند لپاره ځان قرباني کړي.»

همدا راز په مشرانو جرګه کې د خلکو استازې انارکلي هنریار وویل چې تراوسه ځینو ولایتونو ته اړین ټاکنیز مواد نه دي رسېدلي چې په دې اړه باید اقدام وشي.

خو د ټاکنو کمېسیون وایي، د مهالوېش پر بنسټ له کابل نه اړین ټاکنیز توکي تېره ورځ د ۳۳ ولایتونو مرکزونو رسول شوي او د ولسوالیو مرکوونو ته یې د وړلو بهیر هم پیل شوی دی.

په دې جرګه کې څو نورو غړو هم د امنیت د ټینګښت او په ځانګړي ډول د لارو له بندېدو یادونه وکړه چې د ټاکنو او هرې ملي پروسې لپاره امنیت اړین دی.

د مشرانو جرګې لومړی نایب محمد علم ایزدیار چې د دې جرګې د نننۍ غونډې مشري يې کوله، له حکومت وغوښتل چې د سراسري امنیت زمینه برابره کړي او مواصلاتي لارې پرانیزي، ترڅو خلک په اسانۍ سره وکولای شي د رایو صندوقونو ته لاړ شي.

هغه وویل چې په ټاکنو کې د خلکو ګډون د دې بهیر د روڼتیا سبب کېږي، نو باید د پراخ ګډون زمینه برابره شي.

نوموړي زیاته کړه، د ټاکنو تر سره کېدو ته ډېر کم وخت پاتې دی، نو باید پرګرامونه پيل شي څو اړین ټاکنیز توکي په وخت د رایو مرکزونو ته ورسیږي.

ایزدیار ویل: «د ټاکنو بهیر په یوه بې باوره بهیر بدل شوی، نو د پراخ ګډون لپاره باید ټول خلک کار وکړي او خپله بې طرفي وښیي ترڅو دا بهیر مشرعیت ولري.»

د ټاکنو کمېسیون ویاندعبدالعزیز ابراهیمي په خپلو خبرو کې پژواک ته وویل، اړین ټاکنیز توکي د هوا او ځمکې له لارې د ولایاتو مرکزونو ته وړل شوي چې راپور یې له ټاکنيزو څارونکو بنسټونو او نوماندانو سره هم شریک شوی دی.

هغه هیله وښوده څو د ټاکنو په ورځ امنیت ښه شي ترڅو خلک وکولای شي د امن په فضا کې د رایې اچونې صندوقونو ته لاړ شي.

هغه د ټاکنو په بهیر کې امنیت یو لوی خنډ وباله او ویې ویل چې امنیتي مسوولینو کمېسیون ته ډاډ ور کړی چې د ټاکنو تر ورځې امنیت ښه کېږي.

ورته راپورونه:

نظر ورکړئ

اعلانونه

Advertisement