د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

بغلان کې د برېښنا د الوځول شوو پایو د ترمیم چارې د امنیتي ستونزو له امله نه دي پیل شوې

بغلان کې د برېښنا د الوځول شوو پایو د ترمیم چارې د امنیتي ستونزو له امله نه دي پیل شوې

Sep 16, 2019 - 13:37

کابل (پژواک، ٢٥ وږى ٩٨): د افغانستان برېښنا شرکت وايي چې د دوى تخنيکي کسان په بغلان ولايت کې دي، خو تر اوسه ورته په ساحه کې د چپه شوو پايو د ترميم اجازه نه ده ورکړل شوې.

د بغلان ځايي چارواکي وايي چې وسله والو طالبانو وړمه شپه د دغه ولايت په بېلابېلو سيمو کې د وارداتي برېښنا درې پايې پر بمونو الوځولې دي چې له امله يې د کابل په ګډون د ١١ ولايتونو برېښنا پرې شوې ده.

دغه راز د برېشنا شرکت وايي چې وسله والو مخالفينو په بلخ ولايت کې هم د وارداتي برېښنا يوه پايه الوځولې ده.

د افغانستان برېښنا شرکت له خوا د وږي په ٢٥مه په يوه خپره شوې خبرپاڼه کې راغلي چې د کابل، بلخ او کندوز ولايتونو د انجنيرانو تخنيکي ټيم له پېښې وروسته بغلان ته رسېدلى دى.

خو سرچينې زياته کړې چې په سيمه کې امنيتي مسوولينو ورته تر اوسه د کار ساحې ته د ورتګ اجازه نه ده ورکړې او چې څنګه اجازه ورکړل شي، دوى به ژر تر ژره د پايو د ترميم چارې پيل کړي.

د افغانستان برېښنا شرکت وايي، د برېښنا شبکې د ټولګټو تاسيساتو برخه دي او ړنګول يې عامو خلکو او په خپله هغوى ته زيان رسوي.

وسله والو طالبانو تر اوسه په دې اړه څه نه دي ويلي.

ورته راپورونه:

نظر ورکړئ

اعلانونه

Advertisement