ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

ملي امنيت لغمان کې د يو قوماندان په ګډون شپږ وسله وال طالبان نيولي

ملي امنيت لغمان کې د يو قوماندان په ګډون شپږ وسله وال طالبان نيولي

author avatar
16 Sep 2019 - 17:13
ملي امنيت لغمان کې د يو قوماندان په ګډون شپږ وسله وال طالبان نيولي
author avatar
16 Sep 2019 - 17:13

مهترلام (پژواک، ۲۵ وږی ۹۸): د لغمان ولايت چارواکی وايي، په دغه ولايت کې د ملي امنیت ځواکونو د وسله والو طالبانو د یوه قوماندان په ګډون شپږ وسله وال د بېلابېلو جرمنو په تور نیولي دي.

ياد وسله وال د وږي په ۲۵مه د دغه ولايت د ملي امنيت په رياست کې رسنيو ته ور وښودل شول.

د لغمان د والي ویاند اسدالله دولتزی وایي، د تېرې یوې اوونۍ په اوږدو کې د ملي امنیت ځواکونو په مرکز او ولسوالیو کې د ځانګړو عملیاتو پر مهال د قاري ادریس په نوم د وسله والو طالبانو د یوه قوماندان په ګډون شپږ کسان نیولي دي.

دی وايي، نیول شوو کسانو په لغمان ولایت کې په ګڼو ترهګریزو پېښو او د ماینونو په ایښودو کې لاس درلود.

هغه زياته کړه، نیول شوو وسله والو دغه راز هڅه کوله چې د راتلونکو ولسمشريزو ټاکنو په ورځ په مرکز او ولسوالیو کې ترهګریزې پېښې ترسره کړي چې موخې ته له رسېدو وړاندې د قانون منګولو ته وسپارل شول.

د والي ویاند دا هم وويل، نیول شوو وسله والو پر خپلو جرمنو اعتراف کړی او د نورو پوښتنږ ګروېږنو په موخه د ملي امنیت په ریاست کې تر تحقیق لاندې دي.

 

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.