د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

بغلان کې د برېښنا پرې شوي مزي به د نن ورځې تر وروستیو بېرته وصل شي

بغلان کې د برېښنا پرې شوي مزي به د نن ورځې تر وروستیو بېرته وصل شي

Sep 18, 2019 - 11:05

پلخمري (پژواک، ۲۷ وږی ۹۸): د بغلان سيمه ييز حکومتي چارواکي وايي چې د قومي مشرانو په منځګړتوب د وارداتي برېښنا د پرې شوي مزي د بېرته نښلولو هڅې روانې دي.

د بغلان ولایت د مرکزي بغلان ولسوال خانزاده مظلوميار د وږي په ٢٧مه پژاوک خبري اژانس ته وويل چې د سيمې يو شمېر قومي مشرانو د برېښنا د بېرته وصلولو په اړه له طالبانو سره خبرې کړې دي.

هغه وايي: ((طالبانو اجازه ورکړې ده، نو نن ډېره تمه ده چې د حسن تال په سيمه کې د برېښنا پرې شوي مزي بېرته وصل شي.))

دغه راز د مرکزي بغلان ولسوالۍ قومي مشر ارباب فرامرز توخي هم پژواک ته وويل چې قومي مشرانو له طالبانو سره خبرې کړې دي.

هغه وايي: ((زه ناروغ وم، خپله نه يم ورغلى خو نور مشران ورغلي او له طالبانو سره يې د برېښنا د پرې شوو مزو د بېرته وصلولو په اړه خبرې کړې دي، کومه ستونزه نشته، د بېرته وصلولو کار يې پيلېږي.))

همدارنګه په بغلان کې د برېښنا شرکت يوه کارکوونکي د نوم نه خپرولو په شرط پژواک ته وويل چې له پلازمېنې کابل څخه د برېښنا شرکت د فني کارکوونکو ډله هم دغه ولايت ته رسېدلې ده.

دى وايي: ((دلته د برېښنا پايې چپه شوې دي، اوس يې يواځې مزي په موقت ډول وصلېږي، د پايو بېرته درول څه وخت ته اړتيا لري.))

دغه راز په کابل کې د برېښنا عمومي شرکت د يوې خبرپاڼې په خپرولو سره ويلي چې د کندوز حوزې او غوري برېښنا په سيمو کې انجنيرانو ته اجازه ورکړل شوې څو د برېښنا د تخريب شوو پايو د ترميم لپاره کار وکړي.

خبرپاڼه کې راغلي چې تر نن ماښامه به ١٥٠ ميګاواټه برېښنا په بېړنۍ توګه وصل شي.

د يادونې ده، څلور ورځې وړاندې د پلخمري په ډنډ شهاب الدين سيمه کې د ازبکستان د وارداتي برېښنا او پر بله ورځ يې د تاجکستان د وارداتي برېښنا پايې پر بمونو والوځولې چې له امله يې د کابل په ګډون ١١ ولايتونه له برېښنا محروم شول.

ورته راپورونه:

نظر ورکړئ

اعلانونه

Advertisement