د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

لوګر کې د درېیو ماشومانو په ګډون اوو ملکي وګړو ته مرګ ژوبله اوښتې ده

لوګر کې د درېیو ماشومانو په ګډون اوو ملکي وګړو ته مرګ ژوبله اوښتې ده

Sep 18, 2019 - 11:46

پل علم (پژواک، ٢٧ وږى ٩٨): د لوګر سيمه ييز چارواکي وايي چې د افغان ځواکونو او وسله والو طالبانو ترمنځ جګړه کې درې ماشومان وژل شوي او څلور نور ملکي وګړي ټپيان دي.

د لوګر د والي وياند ديدار لونګ د وږي په ٢٧مه پژواک خبري اژانس ته وويل چې تېره شپه وسله والو طالبانو د محمد اغې ولسوالۍ اړوند د دهنو په سيمه کې د امنيتي ځواکونو پر پوستو بريدونه کړي دي.

د هغه په وينا، امنيتي ځواکونو هم بېرته ځوابي ډزې کړې چې بيا د دې جګړې له امله درې ماشومان وژل شوي او څلور نور ملکي کسان ټپيان شوي دي.

د لونګ په خبره، تر اوسه معلومه نه ده چې يادو ملکي کسانو ته د چا د ډزو له امله مرګ ژوبله اوښتې خو د قضيې روښانولو لپاره د ولايت له لوري پلاوى ټاکل شوى دى.

په ورته وخت کې د دهنو سيمې اوسېدونکي صديق الله پژواک ته وويل چې تېر ماښام د دوى په کلي کې د طالبانو او حکومتي ځواکونو ترمنځ سخته جګړه شوې ده.

ده وويل: ((پر يوه کور د هاوان مرمۍ لګېدلې ده، درې ماشومان په کې وژل شوي او د دوو ښځو په ګډون څلور تنه نور ټپيان شوي دي.))

بل لور ته وسله والو طالبانو تر اوسه په دې اړه څه نه دي ويلي.

د يادونې ده، محمد اغه د پلازمېنې کابل جنوب ته په ٣٠ کيلومترۍ پرته د لوګر ولايت نا امنه ولسوالۍ ده.

ورته راپورونه:

نظر ورکړئ

اعلانونه

Advertisement