د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ننګرهار کې د هوايي بريد له امله ١٥ ملکي وګړي وژل شوي

ننګرهار کې د هوايي بريد له امله ١٥ ملکي وګړي وژل شوي

Sep 19, 2019 - 15:09

جلال اباد (پژواک، ۲۸ وږی ۹۸): د ننګرهار خوږياڼو ولسوالۍ کې د بهرنيو ځواکونو بې پيلوټه الوتکې بريد کړی چې د لومړنيو معلوماتو له مخې، ١٥ ملکي وګړي په کې وژل شوي او څلور نور ټپيان شوي دي.

دغه بريد تېره شپه شاوخوا يوه نيمه بجه د خوږياڼو ولسوالۍ وزيرو تنګي سيمه کې د جلغوزيو په يو ځنګل کې پر جلغوزو را ټولوونکو کاريګرو شوی دی.

د خوږياڼو ولسوال شمس الحق ساپي د وږي په ٢٨مه پژواک اژانس ته وويل، له ياد بريد څخه تر اوسه د ولسوالۍ روغتون ته تر نهوجسدونه او څلور ټپيان وړل شوي دي.

هغه تاييد کړه چې مړه او ټپيان ټول ملکي کسان دي او په سيمه کې يې جلغوزي راټولول چې بهرنيو ځواکونو پرې د بې پېلوټه الوتکې بريد کړی دی.

د ننګرهار د ولايتي شورا يو غړي اجمل عمر چې د يادې سيمې دی، پژواک ته وويل، مرګ ژوبله تر څلوېښتو کسانو هم ډېره ده؛ خو دا چې سيمه لرې پرته اوغرنۍ ده نو کره شمېرې يې نشته دى.

هغه وويل، يادو کسانو له اړوندو ټولو امنيتي ادارو اجازه ليک هم اخيستی و او دا يې هم په ډاګه کړې وه چې په دغه وخت کې به دوی هلته وي؛ خو بيا هم داسې عمل پرې ترسره شوى دى.

د ننګرهار د والي وياند عطاء الله خوږياڼی هم تاييدوي چې پېښه رامنځته شوې؛ خو دا چې مړه او ټپيان ملکي وګړي دي او کنه په اړه يې پلټنې پيل شوې دي.

هغه هم پژواک ته وويل، تر اوسه نهه جسدونه او څلور ټپيان د خوږياڼو ولسوالۍ روغتون ته انتقال شوي دي.

د دغه ولايت يوې بلې باوري سرچينې هم پژواک ته د نوم نه خپرولو په شرط ومنله چې په بريد کې ملکي وګړي په نښه شوي دي.

د ننګرهار د امنيه قوماندانۍ وياند مبارز اتل پژواک ته وويل، د خوږياڼو په پېښه کې پنځلس کسان وژل شوي او شپږ نور ټپيان دي. هغه زياتوي مړه او ټپيان ټول ملکي وګړي دي.

په کابل کې دامريکايي ځواکونو مطبوعاتي دفتر پژواک ته وويل چې دوى هلته د داعش پر ضد عمليات کړي دي.

سرچينې زياته کړې، وسله وال مخالفين د خلکو په سيمو کې پټيږي، چې له امله يې ملکيانو ته هم زيانونه اوړي.

په خبرپاڼه کې راغلي، دوى د ملکي تلفاتو خبره جدي او په دې اړه يې څېړنې پيل کړې دي.

د يادونې ده چې تر دې وړاندې هم د بهرنيو ځواکونو په هوايي بريدونو کې ملکي وګړو ته مرګ ژوبله اوښتې ده.

ورته راپورونه:

نظر ورکړئ

اعلانونه

Advertisement