د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ولسمشر غني او عمران خان پر سولې او ولسمشرۍ ټاکنو ټیلېفوني خبرې کړې دي

ولسمشر غني او عمران خان پر سولې او ولسمشرۍ ټاکنو ټیلېفوني خبرې کړې دي

Sep 19, 2019 - 09:39

کابل (پژواک، ٢٨ وږى ٩٨): د پاکستان لومړي وزير عمران خان له ولسمشر اشرف غني سره په يوه ټيلېفوني اړيکه کې د هغه پر ټاکنيزه غونډه شوى ځانمرګى بريد غندلی دی.

دوه ورځې مخکې د پروان په مرکز چاريکارو ښار کې د اشرف غني پر ټاکنيز کمپاين بريد کې ٣٠ کسان ووژل شول او تر ٦٠ زيات ټپيان شول.

د پاکستان د لومړي وزير له دفتره د وږي په ٢٨مه په يوه خپره شوې خبرپاڼه کې راغلي چې عمران خان پرون ناوخته د افغانستان ولسمشر اشرف غني ته ټيلېفون کړى و.

سرچينې زياته کړې چې په دې اړیکه کې لومړي وزير هغه بريد وغانده چې د اشرف غني پر ټاکنيز کمپاين شوى او د هغه د روغتيا پوښتنه يې وکړه.

په خبرپاڼه کې راغلي چې  لومړي وزير عمران خان يو ځل بيا د افغانانو په مشرۍ او مالکيت د سولې له پروسې ملاتړ وکړ.

سرچينې ويلي چې افغان ولسمشر د عمران خان له ټيلېفونه د مننې ترڅنګ هغه ته د کابل د سفر بلنه ورکړه.

بلخوا ولسمشر اشرف غني په يوه ټويټ کې ليکلي چې د پاکستان لومړي له وزير عمران خان سره يې تېره شپه ټيلېفوني خبرې وکړې.

هغه زياته کړې چې عمران خان د کابل او پروان پر وروستيو بريدونو خواشيني څرګنده کړه او دواړو د سولې پر پروسې او راتلونکو ټاکنو هم خبرې وکړې.

ولسمشر غني زياته کړه چې په تېرو ټاکنو کې د پاکستان په مرسته تاوتريخوالى کم شوى و، يو ځل بيا يې له عمران خانه وغوښتل چې د راتلونکو ټاکنو پر مهال د تاوتريخوالي په کمولو کې مرسته وکړي چې د هغه له خوا د مرستې ډاډ ورکړل شو.

ورته راپورونه:

نظر ورکړئ

اعلانونه

Advertisement