د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

غني: څوک چې اوربند او سوله نه مني، د روانو قتلونو ګناه د هغو پر غاړه ده

غني: څوک چې اوربند او سوله نه مني، د روانو قتلونو ګناه د هغو پر غاړه ده

Sep 21, 2019 - 12:24

کابل (پژواک، ٣٠ وږى ٩٨): ولسمشر اشرف غني وايي، که طالبان سوله غواړي، موږ د يوې شېبې لپاره هم د جګړې دوام نه غواړو، خو څوک چې اوربند او سوله نه مني، د روانو قتلونو ګناه د هغو پر غاړه ده.

ولسمشرف غني دغه څرګندونې د سولې نړيوالې ورځ په مناسبت په خپل پيغام کې کړې دي.

هغه زياته کړې، نن په داسې حال کې د سولې نړیواله ورځ نمانځل کېږي چې د افغانستان د ثبات، امنیت او ترقۍ د مخالفینو له بدمرغو نيتونو سره سره هېواد تر بل هر وخت سولې ته ډېر نږدې شوی دی.

ولسمشر غني د سولې نړیوالې ورځې په مناسبت ټولو نړیوالو، په تېره بیا د افغانستان مظلوم ملت ته چې تر بل هر چا ډېر د سولې مستحق دی، مبارکي ويلې ده.

نوموړي ويلي چې د ملي يووالي حکومت په تېرو پنځو کلونو کې د دوامدارې، عادلانه او باعزته سولې لپاره ډېرې هڅې کړې دي، په دې برخه کې يې د ګاونډيو هېوادونو، سيمې او په نړيواله کچه اجماع هم رامنځټه کړې ده.

د اشرف غني په وينا، د همدې هڅو په پايله کې د افغانستان د سولې موضوع له حاشيې متن ته راغلې او د سولې رامنځته کېدل له يوه خوب څخه حقيقت ته نږدې شوي دي.

ولسمشر ويلي چې د روان لمريز کال په غويي مياشت کې د سولې لپاره لويه مشورتي جرګه جوړه شوه او د جرګې د پرېکړو په پايله کې د سولې هڅو ته د چټکوالي ورکولو په موخه د سولې وزارت رامنځته شو.

د ولسمشر په پيغام کې راغلي چې د افغانستان اسلامي جمهوریت بيا بيا د اوربند غوښتنه کړې ده؛ واقعي سولې ته د رسېدو لپاره په کار ده چې اوربند وشي او د وينو تويېدل بند شي.

هغه زياته کړې، جګړه د حل لاره نه ده، سوله الهي امر دی، د اسلامي نړۍ د فتوا ټولو معتبرو مرکزونو او ټولو منل شوو دیني مراجعو په افغانستان کې جګړه حرامه بللې ده.

اشرف غني ويلي: ((که طالبان سوله غواړي، موږ د يوې شېبې لپاره هم د جګړې دوام نه غواړو او دلته يو ځل بيا په صراحت سره وايم چې د ټولو قتلونو او وينې تويېدنې ګناه د هغه چا پر غاړه ده چې سوله او اوربند نه مني.))

ورته راپورونه:

نظر ورکړئ

اعلانونه

Advertisement