د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

مس عينک زون د غازي امان الله خان کرکټ يو ورځنيو سياليو اتلولي وګټله

مس عينک زون د غازي امان الله خان کرکټ يو ورځنيو سياليو اتلولي وګټله

Sep 24, 2019 - 18:34

کابل (پژواک، ٢ تله ٩٨): د مس عينک زون کرکټ لوبـډلې د غازي امان الله خان يو ورځنيو ملي سياليو اتلولي خپله کړه.

د هېواد د پنځو زونونو ترمنځ دا سيالۍ په ننګرهار او خوست ولايتونو کې پيل شوې وې او پايلوبه يې د کابل په کرکـټ لوبغالي کې ترسره شوه.

د دې يو ورځنيو سياليو پايلوبې ته د مس عينک او بست زونونو لوبډلو لاره موندلې وه، چې نن يې ترمنځ پاى لوبه ترسره شوه.

د پايلوبې پچه د بست لوبډلې وګـټله او لومړى يې د توپ اچونې پرېکړه وکړه، د مس عينک لوبډلې په ٤٥ اوورونو کې د ټولو لوبغاړو په سوځېدو ١٩٩ منـډې جوړې کړې او بست ته يې د ٢٠٠ منډو هدف ورکړ.

د مس عينک له لوري عمران ٤٧، افسر ځاځي ٣٣ او ابراهيم  ځدراڼ د پام وړ ٣٠ منډې جوړې کړې، د بست له لوري سميع الله شينواري، وقار الله او يمين احمدزي دوه دوه لوبغاړي وسوځول.

د بست زون ياد اسانه هدف ترلاسه نه شو کړاى او ټوله لوبډله يې په ٢٣ اوورونو کې په ١١١ منډو وسوځېدله او دغه راز د مس عينک زون لوبډلې دا لوبه د ٨٨ منډو په توپير سره وګټله.

د بست له لوري يواځې عمران الله د پام وړ ٦٠ منډې جوړې کړې، د مس عينک له لوري ضياء الرحمن ٣، نواز خان او ابراهيم ځدراڼ دوه دوه لوبغاړي وسوځول.

ضياء الرحمن د پايلوبې غوره لوبغاړى اعلان شو.

نښه: 

ورته راپورونه:

نظر ورکړئ

اعلانونه

Advertisement