د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د فېروزکوه- چغچران او بامیان- میدان سړکونو د کاري پرمختګ څرنګوالی وارزول شو

د فېروزکوه- چغچران او بامیان- میدان سړکونو د کاري پرمختګ څرنګوالی وارزول شو

Oct 11, 2019 - 10:02

کابل (پژواک، ١٩ تله ٩٨): د فېروزکوه- چغچران سړک د دویم فاز او د بامیان- میدان وردک سړک د کاري پرمختګ څرنګوالی وارزول شو.

دغه مطلب په هغې خبرپاڼه کې راغلى چې له ارګ څخه پژواک خبري اژانس ته رالېږل شوې ده.

سرچينه زياتوي، د ولسمشر محمداشرف غني په مشرۍ د فېروزکوه - چغچران سړک د دویم فاز او د بامیان-میدان وردک سړک د کاري پرمختګ د څرنګوالي د ارزولو په موخه غونډه جوړه شوه.

سرچينه کاږي، په دغه غونډه کې چې نن مازدیګر په ارګ کې وشوه، په پیل کې د ښارجوړولو او ځمکو وزارت مسوولینو د یادو سړکونو د کاري پرمختګ، ستونزو او موجوده ننګونو په اړه خپل راپور وړاندې کړ.

جمهوررئیس غني د یاد راپور له اورېدو وروسته د کاري پرمختګ جریان د قناعت وړ  ونه باله او د موجوده ستونزو د بېړني حل په اړه یې لازمې لارښوونې وکړې.

جمهوررئیس څرګنده کړه، د یادو سړکونو د استملاک ستونزې حل دې چټک او د وزارت په کاري لومړیتوب کې راشي. هغه زیاته کړه، د ټولو هغو موضوعاتو د حل لپاره دې چې د کاري بهیر د ځنډ لامل ګرځېدلي، عاجلې حل لارې په پام کې ونیول شي.

د غونډې په پای کې د ښارجوړولو او ځمکو وزارت پر وخت د رامنځ شویو ستونزو د حل ډاډ ورکړ او ژمنه یې وکړه چې د دغو سړکونو د کاري بهیر چټکتیا به د یاد وزارت کاري لومړيتوبونو کې راشي.

ورته راپورونه:

نظر ورکړئ

اعلانونه

Advertisement

Maiwand Bank - Just Banking
Etisalat Get more data, Etisalat Afghanistan