د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

کندهار کې د ټاکنیزو شکایتونو کمېسیون ۲۱۲ شکایتونه ثبت کړي او څېړلي دي

کندهار کې د ټاکنیزو شکایتونو کمېسیون ۲۱۲ شکایتونه ثبت کړي او څېړلي دي

Oct 13, 2019 - 16:52

کندهار (پژواک، ۲۱ تله ۹۸): په کندهار کې د ټاکنیزو شکایتونو کمېسیون وايي، د ولسمشرۍ ټاکنو اړوند یې ۲۱۲ شکایتونه ثبت کړي او څېړلي دي.

د یاد کمېسیون مشر اشنا ګل بانډه واله دغه څرګندونې د تلې په ٢١مه په يوه خبري غونډه کې وکړې.

بانډه وال وویل، په ثبت شوو ۲۱۲ شکایتونو کې ډېر یې د ټاکنو په ورځ د پولیسو او ټاکنو کمېسیون د کارکوونکو د ناغېړۍ، تخنیکي ستونزو او نورو مسایلو اړوند دي خو یو شکایت هم په کې د مستقیمې درغلۍ نشته.

هغه زیاته کړه، ثبت شوي شکایتونه د ۱۵ ورځو په موده کې په بې پرې توګه څېړل شوي او نن یې پایلې له رسنیو او خلکو سره شریکوي.

دی وايي، د ۲۱۲ شکایتونه له ډلې ۸۸ یې داسې وو چې مدلل اسناد یې نه لرل، خو لسګونه نور بیا د تخنیکي ستونزو اړوند وو چې په ډېرو مرکزونو کې په کاغذي لیستونو او یا هم بایو مټریک الو کې د رایې ورکوونکو نومونه موجود نه وو.

د دې تر څنګ په دغو شکایتونو کې یو شمېر یې د ځینو ټاکنیزو مرکزونو د ناوخته خلاصېدو او یا په یو شمېر محلونو کې د ښځینه کارکوونکو د نشتوالي هم دي.

دغه راز ده یادونه وکړه چې د ۶۱ شکایتونو دوسیې یې د څېړلو په موخه مرکز ته لېږلې؛ ځکه د بایومټریک الو عمومي سرور په کابل کې دی او د شوو شکایتونو پر بنسټ هلته باید د بایو مټریک الو څخه تېرې شوې رایې له کاغدي هغو سره وکتل شي.

د نوموړي په وینا، د ۱۵ نورو شکایتونو پر بنسټ د شاوخوا ۲۵ مرکزونو او محلونو رایې قرنطین شوي چې ټاکل شوې ده بیا وشمېرل شي.

د ده په خبره، که د ثبت شوو شکایتونو پر بنسټ د بیا شمېرلو پر مهال ستونزه ولیدل شي نو د رایو پر شمېر اغېزدرلودلای شي.

بانډه وال یادونه وکړه چې د ټاکنو کمېسیون د پرېکړې له مخې یوازې هغه رایې شمېرل کېږي چې له

بایومټریکو الو تېرې شوي دي.

د یادونې ده چې په ټول هېواد کې د ولسمشر ټاکنې د روانې تلې میاشتې په ۶مه نېټه وشوې.

ټاکل شوې ده د ټاکنو لومړنۍ پایلې د همدې میاشتې په ۲۷مه نېټې اعلان شي.

ورته راپورونه:

نظر ورکړئ

اعلانونه

Advertisement