جلال اباد (پژواک،٢٢ تله ٩٨): د ننګرهار والي د بهرنيو چارو وزارت مرستيالې سره د پاکستان د وېزو برخه کې د اسانتياوو د رامنځته کولو په اړه خبرې وکړې.
د ننګرهار د والي وياند عطاء الله خوږياڼي د تلې په ٢٢مه، پژواک خبري اژانس ته وويل چې والي شاه محمود مياخېل نن په جلال اباد ښار کې د پاکستان د وېزو د ستونزې د هواري په موخه د بهرنيو چارو وزارت له مرستيالې ناهيد ايثار سره وليدل.
هغه زياته کړې، د دې لیدنې پر مهال د پاکستانۍ وېزو په برخه کې د اسانتياوو په رامنځته کېدو، د شپږو میاشتو څخه زياته د وېزې مودې په غځېدو،په انلاین ډول د وېزو اخیستو په برخو کې د اسانتياوو په رامنځته کېدو،خصوصي سکتور ته د وېزو اخیستو لړۍ سپارلو او يو شمېر نورو موضوعاتو په اړه خبرې اترې وشوې .
والي مياخېل هيله وښوده چې بهرنيو چارو وزارت، له پاکستان سفارت سره په همغږۍ او ديپلوماټيکو لارو په مرکز کې په دې ولايت کې د اته ولايتونو خلکو ته د وېزو په برخه کې اسانتياوې رامنځته کړي .
دا په داسې حال کې ده چې په جلال اباد او کابل کې د پاکستان د وېزو د غوښتونکو ستونزې ورځ تر بلې زياتېـږي او خلک شکايت کوي، چې نه يواځې په اسانه دا وېزې نه شي ترلاسه کولى، بلکې په تور بازار کې په لوړه بيه خرڅيږي.
خو د پاکستان سفارت ويلي چې دوى د خپل کاري ظرفيت له مخې هره ورځ په ټول افغانستان کې شاوخوا څلورو زرو کسانو ته وېزې ورکوي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن