د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د غزني چارواکو د ١٥ وسله والو طالبانو د وژل کېدو ادعا وکړه

د غزني چارواکو د ١٥ وسله والو طالبانو د وژل کېدو ادعا وکړه

Oct 18, 2019 - 15:20

غزني ښار (پژواک، ٢٦ تله ٩٨) : د غزني ولايت چارواکو د دوو بهرنيانو په ګډون د ١٥ وسله والو طالبانو د وژل کېدو ادعا کړې ده.

د غزني د والي وياند عارف نوري د تلې په ٢٦مه، پژواک خبري اژانس ته وويل چې تېره شپه د خواجه عمري ولسوالۍ په برکات، ورسک او د ده يک ولسوالۍ په تاسنګ سيمه کې د کومانډو او د پوليسو د ځانګړې قطعې ځواکونو عمليات ترسره کړي دي.

هغه زياته کړه چې په دغو عملياتو او د توپچي بريدونو کې د دوو بهرنيانو په ګډون ١٥ وسله وال طالبان وژل شوي چې درې سرګروپان هم په کې شامل دي.

د نوموړي په وينا، په دغو عملياتو کې څلور وسله وال ټپيان او د هغوى اته عرادې موټرسايکلونه هم  له منځه وړل شوي دي.

نوري دغه راز وويل چې تېره شپه د غزني ولايت د قره باغ ولسوالۍ په اړوندو سيمو کې د ځانګړو افغان ځواکونو په عملياتو کې د طالبانو د وسلو او چاودېدونکو توکو يو پټنځاى کشف او له منځه وړل شوى دى.

د والي وياند وايي، په ترسره شويو عملياتوکې امنيتي سرتېرو او ملکي کسانو ته ﺯيان نه دى اوښتى.

وسله والو طالبانو تر اوسه په دې اړه څه نه دي ويلي.

ورته راپورونه:

نظر ورکړئ

اعلانونه

Advertisement