د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د کندهار والي: د جنرال رازق مبارزه به جاري ساتو

د کندهار والي: د جنرال رازق مبارزه به جاري ساتو

Oct 18, 2019 - 15:35

کندهار (پژواک، ٢٦ تله ٩٨) : د کندهار د پخواني امنيه قوماندان جنرال رازق خان اڅکزي د لومړي تلين پر مهال د هغه پر قبر د ګلونو ګېډۍ کېښودل شوه.

جنرال رازق خان تېر کال په همدې ورځ د کندهار په هوايي ډګر کې د هغه مهال د والي د يوه ساتونکي له خوا چې له طالبانو سره يې اړيکې درلودې، ووژل شو.

د هغه د لومړي تلين پر مهال د کندهاروالي حیات الله حیات، مرستیال والي عبدالحنان منیب، د ملي امنیت رئیس تورن جنرال برکت الله څمکنی، د ولایتي شورا رئیس حاجي سیدجان خاکریزوال او یو شمیر مسؤلینو او مشرانو د کندهار مخکني امنيه قوماندان، د سولې اتل جنرال عبدالرازق پر مقبره د ګلو ګيډۍ کېښوده.

کندهار والي حیات الله حیات د ګلو ګیډۍ تر ایښودلو وروسته وويل،  سترپاسوال عبدالرازق د هېواد په دفاع کې خپل سر قربانی کړ او مبارزه به يې جاري ساتل کېږي.

هغه د جنرال عبدالرازق شخصیت او کړنې د اوسنیو شرایطو د مدیریت لپاره روښانه لاره وبلله او ويې ويل چې هغه پر خپلو فداکاریو او سرښندنو سره ولاړ ، خو د هغه له روښانه لیدلوریو او تجربو څخه په استفادې اوسنۍ وضعیت ښه مديريت کړي.

د جنرال رازق پر قبر د ګلونو د ګيډۍ تر اېښودلو وروسته د هغه د لومړي تلين په مناسبت لويه غونډه جوړه شوې وه، چې په کې د چارواکو ترڅنګ د هغه د کورنۍ غړو، د ولايتي شورا استازوو، قومي مشرانو، سپين ږيرو او سلګونو مينه والو برخه اخيستې وه.

د کندهار والي وويل، جنرال عبدالرازق اڅګزی ځکه د خپل ولس قهرمان و، چې تل یې په چارو کې له مشرانو سره مشوره کوله او په تدبیر يې پرېکړې کولې.

هغه زياته کړه، کندهار د افغانستان سیاسي زړه دى او د کندهار ولسونه يوازې د خپل ولایت لپاره نه بلکې د ټول هیواد پر وړاندې مسوولیت لري او دا سیاسي زړه باید د مشرانو په اتفاق فعاله وساتل شي.

حيات وايي : ((که موږ د جنرال رازق ارمانونه پوره کول غواړو نو باید د معارف په اصلاح کې مرسته او ملاتړ وکړو او د بل د احتیاجه څخه د خلاصون لپاره باید خپل ملي عواید خوندي کړو، تر څو هیواد مو پر پښو ودریږي.))

د کندهار والي سوله د هر افغان غوښتنه وبلل او پر وسله والو طالبانو یې غږ وکړ، چې سوله دلته شونې ده نه په بهرنیو هیوادونو کې او د سولې لپاره د ښه نيت ښکارندویې دایمي اوربند وباله، تر څو افغان وژنه بنده شي .

دې غونډې ته د ولايتي شورا رييس، د ملي امنيت رييس او يو شمېر نورو چارواکو او قومي مشرانو هم ويناوې وکړې.

ورته راپورونه:

نظر ورکړئ

اعلانونه

Advertisement