د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په سمنګان کې شپږ طالبان وژل شوي او ۱۱ نور ټپیان دي

په سمنګان کې شپږ طالبان وژل شوي او ۱۱ نور ټپیان دي

Oct 20, 2019 - 16:03

 

ایبک (پژواک، ۲۸ تله ۹۸): د سمنګان پولیس د دغه ولایت په مرکز کې د ۱۷ وسله والو مخالفینو د وژل کېدو او له سیمې د پاکېدو خبر ورکوي؛ خو سیمه ییزې سرچینې بیا وایي چې مخالفین دویم ځل سیمې ته دننه شوي.

د سمنګان د امنیې قوماندانۍ د امنیت امر سمونمل محمد حسین طاهری ادعا کوي چي د حکومتي ځواکونو د تېرې ورځې په عملیاتو کې د سمنګان ولایت په مرکز رباتک کلي کې شپږ طالبان وژل شوي او یوولس نور ټپیان شوي دي.

نوموړي وویل چې په دغو عملیاتو کې د امنیتي ځواکونو دوه سرتېري ټپیان شوي دي.

د ده په خبره، د طالبانو ۱۱ موټرسایکلونه هم د حکومتي ځواکونو لاسته ورغلي او په دغو عملیاتو کې د رباتک، افغانیه، بېخ تنګی او د سمنګان د مرکز د عبربو اییک کلي د دولت د وسله والو مخالفینو له شتونه پاک شوي.

خو د رباتک کلي یوه اوسېدونکي چې نه یې غوښتل نوم یې یاد شي، پژواک خبري اژانس ته وویل چې په یادو عملیاتو کې د طالبانو ډلې ته درنه مرګ ژوبله اوښتې خو تېره ورځ مازدیګر افغان ځواکونو سیمه پرېښوده او طالبان دویم ځل سیمې ته دننه شول.

د هغه په خبره، طالبانو سیمې ته له بېرته راتګ سره د سیمې یو شمېر اوسېدونکي او سپین ږیري راټول کړي او وهلي ډبولي دي.

نوموړي زیاته کړه چې وروسته له هغه د سیمې ځیني اوسېدونکي له ساحې تللي وو او یوازې ښځې او ماشومان په کورونو کې پاتې وو.

طالبانو تر اوسه په دې اړه څه نه دي ویلي.

ورته راپورونه:

نظر ورکړئ

اعلانونه

Advertisement