د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د پکتیکا په خوشامند کې تړلي ۱۳ ښوونځي بېرته فعال شول

د پکتیکا په خوشامند کې تړلي ۱۳ ښوونځي بېرته فعال شول

Oct 21, 2019 - 11:50

ښرنه (پژواک، ٢٩ تله ٩٨): د پکتيکا د پوهنې رياست چارواکي وايي چې له شاوخوا شلو کلونو وروسته په خوشامند ولسوالۍ کې ١٣ ښوونځي د زده کوونکو پر مخ پرانيستل شول.

په دې اړه د پکتيکا د پوهنې رياست تدريسي مرستيال محمد نيسم واجد د تلې په ١٩مه پژواک خبري اژانس ته وويل چې له تېرو شاوخوا دوه لسيزو راهيسې په خوشامند ولسوالۍ ٢٧ ښوونځي د امنيتي او ځينو نورو ستونزو له امله تړل شوي وو.

ده وويل چې له څه مودې راهيسې د قومي مشرانو په منځګړتوب د يادو ښوونځيو د پرانيستلو لپاره هلې ځلې پيل شوې وې.

هغه زياته کړه: ((بالاخره موږ پر دې وتوانېدو چې ١٣ ښوونځي پرانيزو، دغو مکتبونو لپاره ځايونه مشخص شوي او درسي مواد مو هم ور لېږلي دي.))

د واجد د معلوماتو له مخې، په دغو ښوونځي کې به ٣٠٤٦ زده کوونکي زده کړې وکړي او د پاتې نورو ښوونځيو د پرانيستلو لپاره هم هڅې روانې دي.

د سيمې يوه اوسېدونکي نورالله پژواک ته وويل: ((د نا امنۍ ترڅنګ يو شمېر خلکو هم په سيمه کې د ښوونځيو پرانيستلو مخه نيولې وه، خو اوس ښه شو دغه ستونزه حل شوه.))

ده وويل چې په تېرو څو کلونو کې د دې ولسوالۍ اوسېدونکي له زده کړو بې برخي وو.

هغه زياته کړه: ((پيسه داره خلکو خو په نورو ځايونو کې درسونه وويل، خو هغه چا چې پيسې نه درلودې، همداسې بې سواده پاتې شول.))

د يادې موضوع په اړه د پکتيکا والي مجيب الرحمن څمکني پژواک ته وويل چې په خوشامند ولسوالۍ کې ١٣ ښوونځي پرانيستل شوي دي.

والي وايي چې ډېر ژر به د يادو  ښوونځيو د ودانيو جوړلو لړۍ هم پيل شي.

د يادونې ده، په پکتيکا کې ټول ٣٤ ښوونځي د زده کوونکو پر مخ تړل شوي وو چې ١٣ يې پرانيستل شول.

ورته راپورونه:

نظر ورکړئ

اعلانونه

Advertisement