د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

" سږ کال په افغانستان کې ۶۴۸۷ ملکي وګړو ته مرګ ژوبله اوښتې ده"

" سږ کال په افغانستان کې ۶۴۸۷ ملکي وګړو ته مرګ ژوبله اوښتې ده"

Oct 21, 2019 - 16:16

 

کابل (پژواک، ۲۹ تله ۹۸): د افغانستان د بشري حقونو کمېسيون د روان کال په لومړۍ نیمایي کې نږدې۶۵۰۰ ملکي وګړو ته د مرګ ژوبلې اوښتو خبر ورکوي او له ښکېلو لورو غواړي چې د ملکي وګړو د ژوند خوندیتوب ته پاملرنه وکړي.

د افغانستان د بشري حقونو خپلواک کمېسيون مرستيال محمد نعيم نظري نن په کابل کې خبریالانو ته وویل چې په افغانستان کې  د روان ۱۳۹۸ کال په لومړيو شپږو مياشتو کې ۱۶۱۱ ملکي وګړي وژل شوي او ۴۸۷۶ نور ټپيان شوي دي.

د ده په وینا، په ياده مرګ ژوبله کې ۴۱۷۶ سړي، ۵۷۶ ښځې او ۱۶۳۴ ماشومان شامل دي خو د ۱۰۱ نورو هويت نه دی ثبت شوی.

هغه وایي چې دغه شمېرې د تېر کال د همدې مودې په پرتله څه باندې اته سلنه ډېروالی ښيي.

د ده په وینا، د تېر ۱۳۹۷ کال په همدې موده کې په افغانستان کې ۵۹۸۶ ملکي وګړو ته مرګ ژوبله اوښتې وه.

د نظري په وینا، د روان کال د لومړیو شپږو میاشتو د مرګ ژوبلې ۷۵ سلنه طالبانو، ۱۱ سلنه د حکومت پلوه ځواکونو او بهرنيانو، درې سلنه د داعش ډلې او یو سلنه پاکستاني ځواکونو پر کونړ په راکټي بریدونو کې اړولې ده.

ده وویل چې  د لس سلنې نورې مرګ ژوبلې عاملين نه دي څرګند.

په راپور کې راغلي، د جګړو د ښکېلو ډلو له خوا په مخکنیو ډولونو د جګړو دوام، د پوځي وسايلو په کارولو کې د تناسب نه مراعات کول، د هستونګې سيمو ته د جګړو پراخېدل او د ملکي مرګ ژوبلې مخنیوي ته نه پاملرنه د ملکي وګړو د مرګ ژوبلې ډېرېدو لاملونه دي.

په راپور کې د جګړو ښکېلو خواوو ته سپارښتنه شوې چې بشردوستانه موازينو ته پاملرنه وکړي، د سولې په موخه بين الافغاني خبرې پيل کړي او اوربند وکړي.

کمېسیون له ښکېلو خواوو غوښتي چې د جګړو پر مهال د ملګي وګړو د مرګ ژوبلې مخنيوي ته پام وکړي.

په راپور کې له وسله والو مخالفينو غوښتل شوي پر عامه تاسيساتو بريدونه ونه کړي او د برېښنا ستنې ونه نړوي.

سرچینې له افغان دولته غوښتي چې جنګي مجرمين محاکمه کړي، د ملکي وګړو د مرګ ژوبلې د مخينوي پاليسي پلې کړي، خپلې جګړه يیزې تګلارې بيا و ارزوي،  نامسووله وسله والې ډلې بې وسلې کړي او په افغانستان کې د جزا نړيوالې محکمې د حضور لپاره لارې چارې برابرې کړي.

په راپور کې له افغان دولته غوښتل شوي چې د جګړې له امله له بېځايه شوو کورنيو سره مرستې وکړي، د جګړې قربانيانو ته د زيان اوښتو د جبران قانون مسوده تصويب کړي او ولسي جرګه د ملکي وګړو د ساتنې ډله جوړه کړي.

د طالبانو وياند ذبيح الله مجاهد په خپل ټويټرپاڼه کې ليکي چې دوی د بشري حقونو د خپلواک کميسیون هغه څرګندونې چې د ملکي تلفاتو ډيره فیصدي په طالبانو پورې اړه لري، ردوي او وايي چې ډېرملکي وګړي د افغانستان د دولت او بهرنيو ځواکونو په بريدونو کې وژل شوي اوټپيان دي.

دا په داسې حال کې ده چې څلور ورځې مخکې په افغانستان کې د ملګرو ملتونو د مرستندوی پلاوي دفتر "يوناما" ويلي وو چې د روان ۲۰۱۹زېږديز کال په لومړیو نهو میاشتو کې  ۲۵۶۳ ملکي وګړي وژل شوي او ۵۶۷۶ نور ټپيان دي.

ورته راپورونه:

نظر ورکړئ

اعلانونه

Advertisement