د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ولسي جرګه د ځینو وکیلانو له خوا د ۳۰ میلیون ډالرو رشوت اخیستو ادعا څېړي

ولسي جرګه د ځینو وکیلانو له خوا د ۳۰ میلیون ډالرو رشوت اخیستو ادعا څېړي

Oct 21, 2019 - 18:20

کابل (پژواک،۲۹ تله ۹۸): د ولسي جرګې د نننۍ ناستې په اجنډا کې د ځینو غړو له خوا د ۳۰ میلیون ډالرو رشوت اخیستو ادعا د ناستې د ريیس له خوا رد شوه او ویې ویل، دغه موضوع د رییسانو د کمېټې له خوا څېړل کېږي.

 په ولسي جرګه کې د غزني د خلکو استازي علي اکبر قاسمي ددې جرګې په نننۍ ناسته کې وویل، د کمال ناصر اصولي له خوا پر اداري پلاوي لګېدلي تورونه دې په جدي ډول وڅېړل شي.

رییس، لومړی مرستیال، دویم مرستیال، منشي او نایب منشي د ولسي جرګې په اداري پلاوي کې شامل دي.

 قاسمي زیاته کړه، اصولي څو ورځې مخکې د جرګې عمومي ناستې ته وویل، اداري پلاوی په کورونو کې ناستې جوړوي او له څوکۍ څخه په استفاده سوداګرو ته بلنه ورکوي او له دوی څخه د رشوت په بدل کې له مسوولو چارواکو اجازه اخلي چې د مالیې له وړکړې پرته هېواد ته تېل وارد کړي.

 هغه له جزيیاتو پرته وویل، اصولي اداري پلاوی تورن کړی چې د تېلو د معافیت له امله یې ۳۰ میلیون امریکايي ډالره رشوت اخيستی دی.

 په ولسي جرګه کې د کابل د خلکو استازي غلام حسین ناصري هم ورته نظر درلود او ویې ویل: ((که یاده موضوع حقیقت وي نو وکیلان باید د اداري پلاوي په اړه تصمیم ونیسي، که حقیقت نه وي باید چاته اجازه ورنه کړل شي څو اداري پلاوی چې د وکیلانو له خوا ټاکل شوی په فساد تورن کړي.))

 د ولسي جرګې دویم نایب احمدشاه رمضان وویل، د اصولي کلېپ باید د ناستې په جریان کې نندارې ته وړاندې شي چې څه یې ویلي.

 وروسته د خوست د خلکو استازي کمال ناصر اصولي وویل: ((ما هېڅکله نه دي ویلي چې اداري پلاوي ۳۰ میلیون ډالر فساد کړی، داسې راپورونه شته چې وکیلان په کورونو کې ناستې جوړوي او سوداګر راغواړي او د پیسو اخیستو په بدل کې سوداګرو ته معافیت اخیستل کېږي څو د محصول له ورکړې پرته هېواد ته تېل وارد کړي.))

هغه زیاته کړه، د یادې موضوع د څېړلو لپاره باید یو پلاوی وټاکل شي.

 اصولي د جرګې اداري پلاوي ته په خطاب وویل، د داخلي دندو د اصول د ۵۴ مې مادې له مخې، له ۲۰ سلنه ډېرو وکیلانو دغه وړاندیز لاسلیک کړی او د اجنډا له پیلېدو وړاندې باید یاده موضوع نن رایو ته وړاندې شي او د رایو د ترلاسه کولو په صورت کې دې په اجنډا کې شامله شي.

د ولسي جرګې د داخلي دندو د اصولو په ۵۴ مه ماده کې راغلي: ((ريیس یا د جرګې ۲۰ غړي کولای شي له اجنډا د بهیر موضوع د فوریت غوښتنه وکړي او د جرګې د اکثریت غړو د تایید په صورت کې موضوع اجنډا ته داخلېږي او په اړه یې فوري بحث کېږي.))

 خو غلام حسین ناصري وویل، د اصولي دوه ډوله خبرو د جرګې غړي اندېښمن کړي او باید یاده قضیه د یوه بېطرفه پلاوي له خوا وڅېړل شي.

 په ورته وخت کې په ولسي جرګه کې د پروان د خلکو استازي ظاهر سالنګي وویل، یوازې مالي او د بودیجې کمېسیون حق لري چې یاده موضوع وڅېړي.

 هغه د جرګې له رییس څخه وغوښتل چې موضوع کمېسیون ته راجع کړي.

 خو د جرګې رییس میر رحمان رحماني وویل، یاده موضوع فوریت نه لري او د اصولي د نننیو څرګندونو له مخې اداري پلاوی په دې برخه کې ښکېل نه دی.

 هغه زیاته کړه: ((دغه موضوع په جدي ډول څېړل کېږي او د هغه یادښت په اړه به چې د جرګې ځینو غړو یې غوښتنه کړې د رییسانو کمېټه تصمیم ونیسي.))

نښه: 

ورته راپورونه:

نظر ورکړئ

اعلانونه

Advertisement