د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ولسي جرګې په غور کې د «مرغاب ولسوالۍ» رامنځته کېدو فرمان تصویب کړ

ولسي جرګې په غور کې د «مرغاب ولسوالۍ» رامنځته کېدو فرمان تصویب کړ

Oct 21, 2019 - 14:33

 

کابل (پژواک، ۲۹ تله ۹۸): ولسي جرګې په غور ولایت کې د مرغاب په نوم د ولسوالۍ رامنځته کېدو په اړه د ولسمشر تقنیني فرمان تصویب کړ.

د ولسي جرګې د داخلي امنیت کمېسیون رییس فدامحمد الفت صالح د دې جرګې په نننۍ ناسته کې د یاد فرمان په اړه د جرګې غړو ته معلومات ورکړل او ویې ویل، دغه فرمان د سیمې د خلکو د غوښتنې پر اساس صادر شوی دی.

نوموړي زیاته کړه، په دغه اداري واحد کې د غور د مرکز ۳۲ کلي شامل دي او په یادو کلیو کې شاوخوا ۱۹زره کسان ژوند کوي.

صالح وویل، د شورابک سیمه د دې ولسوالۍ مرکز په توګه په پام کې نیول شوې ده.

هغه زیاته کړه، د جرګې ټول دایمي کمېسیونونه د دې ولسوالۍ له جوړېدو سره موافق دي او اړوند حکومتي ادارې لکه د مرکزي احصايي ادارې هم په دې اړه مثبت نظر ورکړی دی.

په ورته وخت کې موضوع رایو ورکونې ته وړاندې شوه او د جرګې له ۱۲۶ حاضرو غړو ۱۲۴ کسانو د یاد فرمان تصویب ته مثبت رایه ورکړه.

دغه ولایت له دې مخکې د مرکز (فېروزکوه) سربېره لس ولسوالۍ لرلې.

نښه: 

ورته راپورونه:

نظر ورکړئ

اعلانونه

Advertisement