د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ملی امنیت: مزارکې پر جنرال ملک د ځانمرګي برید پلان کوونکي ونیول شول

ملی امنیت: مزارکې پر جنرال ملک د ځانمرګي برید پلان کوونکي ونیول شول

Oct 22, 2019 - 17:07

کابل ( پژواک، ۳۰ تله ۹۸): د ملي امنیت ریاست وايي، د بلخ په مرکز مزارشریف کې یې هغه څلور کسان نیولي چې غوښتل یې د یو خصوصي پوهنتون پر مشر «جنرال ملک» ځانمرګی برید وکړي.

جنرال عبدالملک چې په ملي دفاع وزارت کې یې د افسر په توګه دنده تر سره کړې، د حزب آزادی افغانستان مشر هم دی.

د ملي امنیت ریاست په خبرپاڼه کې راغلي چې یوې څلور کسیزې ډلې غوښتل د مزارشریف فردوسي څلور لارې ته څېرمه د یوه ځانمرګي په واسطه د تاج خصوصي پوهنتون پر مشر جنرال ملک برید وکړي.

خو سرچینه زیاتوي، چې د ملي امنیت منسوبینو دغه کسان نیولي دي. ملي امنیت نه دي ویلي چې دغه کسان څه وخت نیول شوي دي.

د ملي امنیت ریاست د معلوماتو له مخې، یاد ځانمرګی بریدګر په بغلان ولایت کې له طالبانو سره یو ځای شوی و او د طالبانو له یوه مسوول سره کندوز او بیا مزار ته تللی و تر څو هلته یاد برید وکړي.

 طالبانو تر اوسه په دې اړه څه نه دي ویلي.

ورته راپورونه:

نظر ورکړئ

اعلانونه

Advertisement