د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

بلخ کې پر ٦٣٠ غالۍ اوبدونکو کورنيو روغتيايي وسایل ووېشل شول

بلخ کې پر ٦٣٠ غالۍ اوبدونکو کورنيو روغتيايي وسایل ووېشل شول

Oct 23, 2019 - 15:08

مزارشريف (پژواک، د لړم لومړۍ نېټه ۹۸): په بلخ کې د کليو او پراختيا وزارت، د کليوالي پراختيا پروګرام له خوا پر ۶۳۰ راستنو شوو غالۍ اوبدونکو کورنيو روغتيايي بستې ووېشل شوې.

په شمال زون کې د کليوالي پراختيا پروګرام مسوول همايون نجفي زاده د لړم په لومړۍ نېټه د يادو صحي بستو د وېش پر مهال پژواک ته وويل چې د کليو او پراختيا وزارت په ټول هېواد کې شاوخوا ۵۰۰۰زره کورنۍ تر خپل پوښښ لاندې نيسي.

نوموړي وويل چې هرې کورنۍ ته يوه بسته ورکول کېږي چې يوه زباله داني، د کار جامې، صحي ماسک او يو کمربند په کې شامل دي.

هغه زياته کړه چې د دغو توکو مجموعي ارزښت څه باندې يو ميليون افغانۍ دی او د تدارکاتو ملي کمېسيون هم پاس کړی دی.

نجفي زاده وايي چې يادې ۶۳۰ غالۍ اوبدونکې کورنۍ له بېلابېلو هېوادونو بلخ ولايت ته راستنې شوې او مرستو ته يې اړتيا درلوده.

نوموړي زياته کړه چې څو مياشتې مخکې ياد وزارت له دغو کورنيو سره د غاليو اوبدلو د خامو موادو مرسته هم کړې وه.

هغه وويل: ((د دغو غالۍ اوبدونکو کاري چاپېريال مصوون نه وو، د دې په خاطر چې په ناروغۍ اخته نه شي، موږ د صحي بستو مرسته ورسره وکړه.))

نجفي زاده زياتوي چې يو شمېر شرکتونو پخوا دغو غالۍ اوبدونکو کورنيو ته د غاليو خام مواد او صحي بستې ورکولې خو په مقابل کې يې اوبدل شوې غالۍ ترې په ارزانه بيه اخيستې.

د هغه په خبره، حکومت د غاليو د صنعت پراختيا او همدا راز غالۍ اوبدونکو ته د اسانتياوو برابرولو په برخه کې دغه مرسته کوي.

په ورته مهال يو شمېر غالۍ اوبدونکي هم د کليو او پراختيا وزارت دغه همکاري ستايي او له حکومته د لا ډېر مرستې غوښتنه کوي.

۳۶ کلنه مريم د مزارشريف اوسېدونکې ده چې له تېرو ۱۷ کلونو راهيسې د غاليو اوبدلو کاروبار کوي.

هغه وايي چې په ايران کې يې د مهاجرت پر مهال هم غالۍ اوبدلې او تېر کال خپل وطن ته له راستنېدو وروسته يې هم دغه کاروبار ته دوام ورکړ.

نوموړې وايي چې ډېری غالۍ اوبدونکي د کار پر مهال صحي اسانتياوو ته د نه لاسرسي له امله په وژونکو او فلجي ناروغيو اخته کېږي.

مريم پژواک ته وويل: ((شخصاً زه د غالۍ اوبدلو لپاره مناسب ځای نه لرم، د خپل کور په زيرخانه کې کار کوم، هلته نه تازه هوا راځي او نه لمر، له سهاره تر ماښامه کار کوم، کوټه له ګرد او دوړو څخه ډکه وي، ښکاره ده چې نارغان کېږو)).

هغې زياته کړه، چې نن يې صحي بسته ترلاسه کړې او هيله يې وښوده چې له دې وروسته به يې څه نا څه روغتيايي وضعيت په امن کې وي.

په مزارشريف کې د کمپ سخي غالۍ اوبدونکو اتحاديې مشره معصومه سلطاني وايي چې له تېرو دوو کلونو راهيسې په مزارشريف کې د غالۍ اوبدلو صنعت ته د کورنيو او په ځانګړي ډول د مېرمنو رجوع زياته شوې ده.

هغې وويل چې ډېری مېرمنې له همدې لارې ښه اقتصادي عوايد لري چې د خپلې کورنۍ اقتصادي بار پرې پورته کوي.

مېرمن سلطاني له حکومته وغوښتل چې افغاني غاليو ته بازارموندنه کې له دوی سره مرسته وکړي.

ورته راپورونه:

نظر ورکړئ

اعلانونه

Advertisement