د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د ناټو د دفاع وزیرانو په غونډه کې د افغانستان وروستي حالات ارزول کېږي

د ناټو د دفاع وزیرانو په غونډه کې د افغانستان وروستي حالات ارزول کېږي

Oct 23, 2019 - 12:08

کابل (پژواک، د لړم لومړۍ نېټه ٩٨): د ناټو سازمان او متحدو هېوادونو د دفاع وزيران په خپلې دوه ورځنۍ غونډه کې د افغانستان وروستي حالات هم ارزوي.

د بلجيم په پلازمېنه بروکسل کې د ناټو سازمان د مطبوعاتي دفتر يوه چارواکي د لړم په لومړۍ نېټه پژواک خبري اژانس ته وويل چې دا دوه ورځنۍ غونډه سبا پيلېږي.

سرچينې زياته کړه چې په دې غونډه کې د نورو موضوعاتو ترڅنګ په ځانګړې توګه د ناټو د راتلونکې سرمشريزې غونډې پر اجنډا خبرې او بحث کېږي.

ټاکل شوې ده دا سرمشريزه غونډه دوه مياشتې وروسته د برېتانيا په پلازمېنه لندن کې جوړه شي.

د ناټو سازمان مطبوعاتي دفتر وايي چې د دې غونډې په دويمه ورځ د افغانستان په اړه ځانګړې ناسته کېږي چې په کې د سازمان د ٢٩ غړو هېوادونو ترڅنګ په افغانستان کې د ناټو د روزنې ماموريت د همکارو او متحدو هېوادونو د دفاع وزيران هم ګډون کوي.

سرچينې زياته کړه، دغه راز په دې ناسته کې د افغانستان د ملي دفاع وزير اسدالله خالد، په افغانستان د ناټو قوماندان جنرال سکاټ مېلر او د ناټو ملکي استازى نيکولاس کي هم ګډون کوي.

د سرچينې په وينا، په دې ناسته کې به د افغانستان وروستي حالات او هلته د ناټو د روزنې د غوڅ ملاتړ ماموريت ارزول کېږي.

د افغانستان د ملي دفاع وزارت وياند روح الله احمدزي پژواک ته وويل چې د دفاع وزير اسدالله خالد په ياده غونډه کې د ګډون په موخه روان شوى دى.

ورته راپورونه:

نظر ورکړئ

اعلانونه

Advertisement