د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د چاپېرل ساتنې ادارې او یو شمېر وزارتونو تر منځ هوکړه لیک لاسلیک شو

د چاپېرل ساتنې ادارې او یو شمېر وزارتونو تر منځ هوکړه لیک لاسلیک شو

Nov 03, 2019 - 16:32

کابل (پژواک، ۱۲ لړم ۹۸): د هوا د ککړتیا د مخنیوي لپاره د چاپېرل ساتنې ملي ادارې او یو شمېر وزارتونو تر منځ د عامه پوهاوي د کچې لوړولو په موخه هوکړه لیک لاسلیک شو.

دغه هوکړه ليک د لړم په ١٢مه د چاپيريال ساتنې ادارې، حج او او قافو او اطلاعاتو او کلتور وزارتونو او عزيزي بانک ترمنځ لاسليک شو.

د اړوندې موضوع په اړه جوړې شوې غونډې ته د چاپېرل ساتنې ملي ادارې مرستیال عزت الله صدیقي وويل، تر هغه چې د هوا د ککړتيا د مخنيوي په برخه کې د خلکو د عامه پوهاوي کچه نه وي لوړه شوې، د هوا پاکوالى ناشونى دى.

صدیقي وویل چې یاد هو کړه لیک د هوا د ککړتیا د مخینوي د پنځه کلن پلان د پلي کولو لپاره رامنځته شوی دى.

هغه هيله وښوده چې د خلکو د عامه پوهاوي په لوړېدو سره به سږ کال تر یوې کچې د هوا د ککړتیا مخه هم ونیول شي.

صديقي وايي چې د عامه پوهاوي دغه برنامه به د رسنيو او د ديني عالمانو له لارې پلې شي.

د نوموړي په وینا، یاد هوکړه لیک د اطلاعاتو او کلتور وزارت سره د یوه کال او د حج او اوقافو له وزارت سره د درېیو کلونو لپاره لاسلیک شوى دى.

په یاده غونډه کې د اطلاعاتو او کلتور وزارت مرستیال سيد اقا فاضل سانچارکي وویل چې په وروستیو کلونو کې په هېواد کې هوا ډېره ککړه شوې چې له امله يې يو شمېر کسان له ناروغيو سره مخ شوي دي.

سانچارکي وايي چې د هوا د ککړتيا د مخنيوي په برخه کې د اطلاعاتو او کلتور وزارت د دولتي رسنیو له لارې پوره همکاري کړې ده.

خو نوموړي وايي، د قانون له مخې خصوصي رسنۍ اړ دي چې د عامه پوهاوي پروګرامونه له ٢٥-٦٠ سلنه تخفيف سره خپاره کړي.

دغه راز د حج او اوقافو مرستیال تاج محمد مجاهد وویل چې د چاپيريال ساتنۍ اداره دومره امکانات نه لري چې په يواځې ځان د هوا د ککړتيا مخه ونيسي.

ده وويل چې ملي شورا بايد د ښاروالۍ له لوري د ښار د پاکوالي په برخه کې وړاندې شوې بوديجه تصويب کړي.

د يادونې ده چې د نورو ولايتونو ترڅنګ په پلازمېنې کابل کې هم هره ورځ سلګونه کسان د هوا د ککړتيا له امله په بېلابېلو ناروغيو اخته کيږي.

ورته راپورونه:

نظر ورکړئ

اعلانونه

Advertisement