د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

بدخشان کې د ښځو لاسي صنایعو لپاره مارکېټ جوړېږي

بدخشان کې د ښځو لاسي صنایعو لپاره مارکېټ جوړېږي

Nov 08, 2019 - 15:05

فیض اباد (پژواک، ۱۷ لړم ۹۸): د بدخشان په مرکز فیض اباد کې د ښځو لاسي صنایعو لپاره د یوه مارکېټ د بنسټ ډبره کېښودل شوه.

د بدخشان د ښځو چارو رییسه الینا غیاثي په هغو مراسمو کې چې د دغه مارکېټ د بنسټ اېښودو لپاره نیول شوي وو، وویل چې دغه مارکېټ پر اووه بسوې ځمکه د ۳۷زره امریکايي ډالرو په لګښت جوړېږي.

هغه زیاته کړه: ((په بدخشان کې د ښځو لاسي صنایعو او نورو تولیداتو لپاره د دغه مارکېټ جوړېدل د ښځو د اقتصادي مشارکت او اقتصادي فعالیتونو په برخه کې د ښځو د اقتصادي ودې لپاره یو له ځانګړو شاخصونو دی.))

غیاثي د اقتصادي خپلواکۍ نه شتون او ټولنیزې ناانډولۍ د ښځو پر وړاندې د تاوتریخوالي د لاملونو په توګه یاد کړل او ویې ویل: ((دې ډول فرصتونو ته زمینه برابرول تاوتریخوالی کموي او ښځې له اقتصادي اړخه پر ځان بسیا کېږي.))

د بدخشان د سوداګرو ښځو د ټولنې مسوولې محبوبې مجددي د اغا خان له پرمختیايي بنسټونو د ستاینې ترڅنګ د ښځو چارو له ریاسته، اقتصاد ریاسته او ولایت مقامه قدرداني وکړه او په بدخشان کې د ښځو اقتصادي پراختیا په وده کې د ډېرې پاملرنې غوښتونکې شوه.  

د یادونې ده، د بدخشان د ځینو سوداګرو ښځو له خوا په ۱۳۹۱ کال کې د ښځو د لاسي صنایعو او کرنیزو محصولاتو بازار ته د giz دفتر په همکارۍ ځمکه وپېرل شوه او اوس یې کار جریان لري.

د یادونې ده، پنځه نومرې ځکه چې درې نومرې د جي ای زي له خوا پېرل شوې او پاتې نورې د سیمې د خلکو له خوا کومک شوی دی.

د بدخشان د ښځو چارو ریاست د معلوماتو له مخې، د جي ای زي دفتر په بهارک، جرم او فیض اباد ښار کې هم ځمکه پېرلې او ټاکل شوې ده د ښځو د دغه مارکېټ جوړولو کار هم ډېر ژر پیل شي.

ورته راپورونه:

نظر ورکړئ

اعلانونه

Advertisement