د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د بلخ دیني عالمانو او مدني فعالانو د ټاکنو پایلو پر ژر اعلانېدو ټینګار وکړ

د بلخ دیني عالمانو او مدني فعالانو د ټاکنو پایلو پر ژر اعلانېدو ټینګار وکړ

Nov 14, 2019 - 15:06

مزارشريف (پژواک، ۲۳ لړم ۹۸): د بلخ ځيني ديني عالمانو او مدني فعالانو په جلا جلا غونډو کې د ټاکنو له کمېسيون څخه د ولسمشرۍ ټاکنو د پايلو د ژر اعلان غوښتنه وکړه.

دوی وايي، څومره چې د ټاکنو پايلې ځنډېږي، په هماغه اندازه پر دې ملي پروسې د خلکو باور له منځه ځي.

د بلخ لسګونه ديني عالمان د لړم په ۲۳مه د مزارشريف په حضرت علي روضه کې د ميلادالنبي ورځې په مناسبت راټول شوي وو.

ديني عالم مولوي اميرمحمد ضيايي له پژواک سره په خبرو کې وويل چې د روان وضعيت د کنټرول لپاره بايد خلک متحد او يو موټی و اوسي.

هغه د ولسمشرۍ د پايلو نه اعلانول، د افغانانو ترمنځ د فاصلو رامنځته کېدو لوی دليل وباله.

نوموړي وويل: ((ټاکنو کمېسيون بايد غير جانبدارانه چلند وکړي، پر وخت يې بايد د انتخاباتو پايلې اعلان کړې وای، څو پر دې پروسې باندې د خلکو باور نور هم زيانمن نه شي.))

هغه زياتوي چې د ټاکنو کمېسيون بايد خپله خپلواکي وساتي.

د هغه په وينا، څومره چې د ټاکنو پايلې ځنډېږي، په هماغه اندازه د انتخاباتو په اړه د خلکو باور زيان ليدلای شي.

دغه ديني عالم زياته کړه چې ټاکنو کمېسيون بايد پايله د پاکو رايو پر اساس اعلان کړي.

په ورته مهال د بلخ يو شمېر مدني فعالان هم د حضرت علي په روضه کې په يوه جلا غونډه کې راټول شوي وو او د ټاکنو د پايلو پر نه اعلان يې اعتراض درلود.

د بلخ د مدني ټولنو اتحاديې غړي جواد صميمي پژواک ته وويل چې خلک د ټاکنو له روان برخليکه په اندېښنه کې دي.

نوموړي زياته کړه چې خلک نه غواړي څو د ۲۰۱۴ کال ټاکنو ناکامه تجربه يو ځل بيا تکرار شي.

هغه وويل: ((ټاکل شوې وه چې نن به د ټاکنو لومړنۍ پايلې اعلان شي، خو د کمېسيون له خوا بيا ځنډول شوې، دا خپله د خلکو ترمنځ تشويش رامنځته کوي.))

صميمي وويل چې ټول ټاکنيز ټکټونه، نړيواله ټولنه او سياسي احزاب بايد د ټاکنو له پروسې په سمه توګه نظارت وکړي.

د هغه په خبره، د ټاکنو پايلو په ځنډېدو سره د کمېسيون په چارو کې نورو لاسوهنو او درغلۍ ته هم زمينه برابرېدای شي.

ټاکل شوې وه چې نن د ولسمشرۍ ټاکنو لومړنۍ پايلې اعلان شي خو د رايو په تفتيش او بيا شمېرنه کې د ستونزو له امله نا معلومې نېټې ته وځنډېدې.

ورته راپورونه:

نظر ورکړئ

اعلانونه

Advertisement