د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

بلخ کې فرهنګي اوونۍ پيل شوه

بلخ کې فرهنګي اوونۍ پيل شوه

Nov 20, 2019 - 17:27

مزارشريف (پژواک، ۲۹ لړم ۹۸): د بلخ فرهنګي اوونۍ په نوم د هنري پروګرامونو دغه لړۍ په مزارشريف کې د اطلاعاتو او کلتور وزارت د مرستيال محمد رسول باوري، شاعرانو او فرهنګيانو له خوا پيل شوه.

د دې اوونۍ په ترڅ کې به مشاعره، د بلخ د تاريخي ابدو په اړه علمي سيمينار، د لاسي او کرنیزو توليداتو نندارتون، موسيقي او يو شمېر نور پروګرامونه    جوړ شي.

د اطلاعاتو او کلتور وزارت مرستيال رسول باوري د بلخ فرهنګي اوونۍ په مناسبت د لاسي صنايعو او کرنیزو توليداتو نندارتون کې وويل چې د دغو پروګرامونو له لارې غواړي څو د افغانستان، په ځانګړي ډول د بلخ فرهنګ بيا را ژوندی کړي.

باوري وويل چې بلخ د مهمو او تاريخي ابداتو په لرلو سره د توريستانو لپاره مهم ځای دی.

هغه زياته کړه چې په بلخ ولايت کې د نا امنيو او جګړو ترڅنګ بيا هم هنري فعاليتونه ژوندي دي.

د باوري په خبره، دوی په هېواد کې د هنر او فرهنګ ودې لپاره ژمن دي.

مزارشريف کې مېشته افغان هنرمنده رمزيه عسکر زاده وايي چې دا ډول پروګرامونه د افغان هنرمندانو له اثارو سره د خلکو اشنا کېدو سره مرسته کولای شي.

هغې چې په هنري او کرنيز نندارتون کې يې په خپل لاس جوړې شوې تابلوګانې نندارې ته ايښې وې، له حکومته يې غوښتنه وکړه چې لاسنيوی يې وکړي.

د دې په وينا، دا غواړي چې د خپل هنر له لارې د سولې او زغم ذهنيت ته په ټولنه کې وده ورکړي.

دغه افغان هنرمنده همدا راز د خپلو فعاليتونو د پراختيا لپاره د امنيت او ثبات غوښتنه کوي.

مزارشريف کې د سلطان لبنياتو شرکت د پلور مسوول محمد حسين پژواک ته وويل چې په دغه نندارتون کې يې د خپل شرکت توليدات نندارتې ته ايښي دي.

مستې، پنير، کوچ او کورت هغه توليدات دي چې دغه نندارتون کې ايښودل شوي دي.

هغه وايي چې دغه نندارتون د دوی لپاره فرصت دی؛ څو له دې لارې د خپلو توليداتو لپاره بازار موندنه وکړي.

نوموړی له خلکو هم غواړي چې د بهرنيو توليداتو پر ځای له داخلي توليداتو استفاده وکړي څو ورسره د هېواد ملي اقتصاد هم وده وکړي.

ورته راپورونه:

نظر ورکړئ

اعلانونه

Advertisement