د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

پکتيکا کې د یوې قبیلې د دوو کورنیو ترمنځ ٢٢ کلنه دښمني پر دوستۍ بدله شوه

پکتيکا کې د یوې قبیلې د دوو کورنیو ترمنځ ٢٢ کلنه دښمني پر دوستۍ بدله شوه

Nov 20, 2019 - 17:57

ښرنه (پژواک، ٢٩ لړم ٩٨): د پکتيکا په سروبي ولسوالۍ کې د قومي جرګې په منځګړيتوب د غره پر سر د خروټو د دوو کورنیو رامنځته شوې دښمني چې په کې د دواړو لورو لسګونو کسانو ته مرګ ژوبله اوښتې وه، پر دوستۍ بدله شوه.

په سوېل ختيڅ زون کې د قومونو مشر حاجي سيد محمد او د اورګون ولسوالۍ د قومي شورا مشر عبدالقيوم حليمي د لړم په ٢٩مه په دې اړه جوړې شوې غونډې ته وويل، د لويې پکتيا، پکتيکا او خوست کې اوس هم ډېری شخړې د قومي جرګو له لارې هوارېږي.

هغوی زياته کړه، د خروټو د اباس خېلو قوم او خروټو د يوه بل قوم ترمنځ د غره پر سره ٢٢ کاله وړاندې ستونزه راپورته شوه چې له امله يې په وسله واله نښته کې له دواړو لورو دوه- دوه کسان ووژل شول او يو شمېر نور ټپيان شوي وو.

حليمي وويل، په دې نښتو کې عامو خلکو ته هم مرګ ژوبله اوښتې وه او ورځ تر بلې دا ستونزه پراخېده، خو د اورګون، خروټو، ځدراڼو قومونو په ګډه جرګه يې دغه ستونزه هواره کړه او دواړه لوري يې په يو ټغره کېنول.

د خروټو قوم مشر حاجي زالو هم وويل چي د بېلابېلو قومونو په منځګړيتوب يې ياده بدي پر دوستې بدله کړه.
هغه زياته کړه، جرګې پر دواړو لورو پنځه لکه افغانۍ جريمه، دوه غوايان، پنځه څاروي د ننواتې په توګه کېښوده چې د دواړو له لوري په خوښۍ ومنل شوه او بدي يې پر دوستي بدله شوه.

د سروبي ولسوالۍ ولسوال محمد قسيم ايوبي هم د قومي مشرانو پر دغو هلو ځلو خوښي وښوده او زياته يې کړه چې د قومي مشرانو پر هڅو دا دښمني پر دوستۍ بدله شوه.

ورته راپورونه:

نظر ورکړئ

اعلانونه

Advertisement