د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

پولیسو د پکتیکا د سرروضې ولسوالۍ د پوهنې مدیر او کارکوونکي ډبولي

پولیسو د پکتیکا د سرروضې ولسوالۍ د پوهنې مدیر او کارکوونکي ډبولي

Nov 21, 2019 - 14:22

ښرنه (پژواک، ٣٠ لړم ٩٨): د پکتيکا د پوهنې رياست مسوولين وايي چې د سرروضې ولسوالۍ پوليسو د دې ولسوالۍ د پوهنې مدير او يو شمېر نور کارکوونکي ډبولي دي.

د پکتيکا د پوهنې رياست تدريسي مرستيال محمد نيسم واجد د لړم په ٣٠مه پژواک خبري اژانس ته وويل چې د سرروضې ولسوالۍ پوليسو له کومې ګناه پرته د دې ولسوالۍ د پوهنې مدير فضل ربي او يو شمېر نور کارکوونکي وهلي دي.

ده وويل چې د ولايت مقام، امنيې قوماندانۍ او ملي امنيت بايد په دې اړه جدي څېړنې وکړي؛ ځکه هم د پوهنې د مدير سر مات دى او هم یې مېز او څوکۍ مات شوي دي.

دغه راز د سرروضې ولسوالۍ د پوهنې مدير فضل ربي پژواک ته وويل: ((موږ په خپل دفتر کې ناست وو چې يو ځل پوليس را ننوتل او بې پوښتنې يې ګوزارونه شروع کړل.))

هغه زياته کړه: ((وروسته بيا د ولسوالۍ امنيه قوماندان راغی، هغه يو ځل بيا پوليسو ته امر وکړ چې موږ ووهي او پوليسو هم ټول يو ځل بيا ووهل، زموږ د دې پېښې بايد جدي پوښتنه وشي.))

همدارنګه د پکتيکا د ولايتي شورا غړي عزيز عزيز پژواک ته وويل چې د يادې پېښې په غبرګون کې د سرروضې ولسوالۍ يو شمېر اوسېدونکي دوى ته په شکايت ورغلي دي.

هغه وويل: ((دغه قضيه بايد جدي وڅېړل شي؛ ځکه دغه شان قضيې د پوليسو زورواکي په ډاګه کوي.))

د سرروضې ولسوالۍ د پوليسو مسوولينو د يادې پېښې په اړه له څه ويلو ډډه وکړه.

خو د پکتيکا د امنيې قوماندانۍ وياند شاه محمود ارين پژواک ته وويل چې د سرروضې د پوهنې مدير سر پوليسو نه دى مات کړى.

هغه وايي: ((مدير خپل سر په خپله مات کړى، موږ دغه قضيه جدي څېړو، هر څوک چې ملامت و، جزا به وګوري.))

د يادونې ده، له دې مخکې هم په پکتيکا کې د پوليسو له لوري ورته پېښې شوې دي.

ورته راپورونه:

نظر ورکړئ

اعلانونه

Advertisement