د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د فاریاب د المار لپاره د طالبانو ولسوال وژل شوی

د فاریاب د المار لپاره د طالبانو ولسوال وژل شوی

Nov 25, 2019 - 14:37

 

میمنه (پژوام، ۴ لېندۍ ۹۸): امنیتي چاراوکي د هېواد په شمال کې د فاریاب د المار لپاره د طالبانو د نومول شوي ولسوال په ګډون د څلورو وسله والو طالبانو د وژل کېدو او ۷ نورو و د ټپې کېدو خبر ورکوي.

د ۲۰۹ شاهین قول اردو په خبرپاڼه کې چې یوه کاپي یې پژواک خبري اژانس ته رسېدلې، راغلي چې دا کسان د حکومتي ځواکونو په هوایي برید کې وژل شوي او ټپیان دي.

سرچینې زیاته کړې چې تېره شپه د فاریاب د المار ولسوالۍ په خواجه ګوهر کلي کې د هوایي ځواکونو د عملیاتو په پایله کې د دې ولسوالۍ لپاره  د طالبانو نومول شوی ولسوال، مولوي عبدالغفار او د ده تر امر لاندې درې نور کسان هم وژل شوي.

په اعلامیه کې راغلي، په دغه برید کې د طالبانو د ډلې ۶ موټرسایکلونه او یوه اندزه وسلې او مهمات په مکمل ډول تخریب او له منځه تللي.

بلخوا د فاریاب په المار ولسوالۍ کې یوې سرچینې چې نه یې غوښتل له نامه یې یادونه وشي، پژواک ته وویل چې هېڅ داسې پېښې نه دي رامنځته شوې.

په همدې حال کې په فاریاب کې د طالبانو یوې استخباراتي سرچینې هم دا موضوع رد کړه.

یادې سرچینې هم نه غوښتل نوم یې واخیستل شي، پژواک ته وویل چې تېره شپه د حکومت جیټ الوتکو د المار پر فضا الوتنې درلودې، خو هېڅ بریدونه یې ندي کړي.

ورته راپورونه:

نظر ورکړئ

اعلانونه

Advertisement