د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

"د اوسپنې او فولیک اسید ګولیو په کارولو سره خپله روغتیا تضمین کړئ"

"د اوسپنې او فولیک اسید ګولیو په کارولو سره خپله روغتیا تضمین کړئ"

Nov 26, 2019 - 15:33

کابل (پژواک، ٥ لېندۍ ٩٨): چارواکي وایي، په ښوونځیو کې ځوانو نجونو ته د اوسپنې او فولیک اسید ګولیو ورکولو پروګرام روان ساتي؛ ځکه چې په بدن کې د اوسپنې او وینې کمښت د بېلابېلو ناروغیو لامل کېږي.

نن (د نوامبر شپږمه) د انسان په بدن کې د اوسپنې د کمښت نړیواله ورځ ده.

د عامې روغتیا او پوهنې وزارت چارواکو په همدې مناسبت نن په کابل کې په عایشه دراني لېسه کې په یوه ګډه خبري ناسته کې ګډون وکړ.

د عامه روغتیا وزارت د عامه تغذیې مشرې مرسل مناتي وویل، په مېرمنو او ځوانو نجونو پورې د وینې کمښت موضوع ځکه ډېره تړلې چې دوی د میاشتنۍ ناروغۍ له امله وینه ضایع کوي.

د هغې په وینا، مېرمنې د وینې په ضایعې کېدو سره تمرکز له لاسه ورکوي، کمزورې کېږي، د سر او عضلاتو دردونه ورته پیدا کېږي، نو ځکه خو باید د اوسپنې او فولیک اسید ګولۍ وخوري.

دا زیاتوي، د امیدوارو مېرمنو په بدن کې د اوسپنې کمښت د زېږون پر وخت د کړاو سبب ګرځي او کېدای شي چې ماشوم یې کم وزنه پیدا شي یا خپله ژوند له لاسه ورکړي.

د دې په وینا، د عامه روغتیا وزارت د ۲۰۱۳ زېږدیز کال ملي سروې ښیي چې په افغانستان کې ۳۱ سلنه ځوانې نجونې او ۴۰ سلنه مېرمنې د وینې له کمښت سره مخ دي.

د پوهنې وزارت د تربیت بدني او ښوونځیو د روغتیا د چارو مشر محمداکبر عمرخېل نننۍ ناسته کې وویل چې د پوهنې وزارت ښوونځیو کې تر دوه میلیونه ډېرو نجونو ته په هره اوونۍ د اوسپنې او فلویک اسید یوه ګولۍ وېشي.

هغه وایي چې دغه وزارت په دې تړاو خلکو ته عامه پوهاوی هم ورکوي، ښځې او ځوانې نجونې پوهوي چې د یادو ګولیو ترڅنګ داسې خواړه هم وخوري چې کلسیم لري.

مرسل مناتي وایي چې په ښوونځیو کې نجونو ته فولیک اسید ګولیو وېش او د اهمیت په اړه یې د عامه پوهاوي دغه پروګرام په ۱۳۹۵ لمریز کال کې د ملګرو ملتونو د ماشومانو د ملاتړ صندوق (یونیسف) په مالي مرسته پیل شوی او تر اوسه دوام لري.

د غونډې په پای کې د عایشه درانۍ لېسې ځینو زده کوونکو تر منځ د وینی کموالي په اړه خبرې وشوې.

ورته راپورونه:

نظر ورکړئ

اعلانونه

Advertisement