ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د خوست ښار یوه څلورلارې د ناکامورا په نوم ونومول شوه

د خوست ښار یوه څلورلارې د ناکامورا په نوم ونومول شوه

author avatar
6 Dec 2019 - 12:19
د خوست ښار یوه څلورلارې د ناکامورا په نوم ونومول شوه
author avatar
6 Dec 2019 - 12:19

خوست (پژواک، ۱۵ لېندۍ ۹۸): د خوست ولایت چارواکو د جاپاني ډاکتر ناکامورا له خدمتونو د قدردانۍ په موخه چې دوه ورځې مخکې په ننګرهار کې ووژل شو، یوه څلورلارې د هغه په نوم ونوموله.

د پژواک اژانس د راپور له مخې، د جاپانۍ مرستندویې موسسې مشر ډاکتر ناکامورا له خپلو پنځو افغان همکارانو سره یو ځای د لېندۍ په ۱۳مه د ننګرهار په مرکز جلال اباد ښار کې په یوه وسله وال برید کې ووژل شو.

ناکامورا چې له شاوخوا دوو لسیزو راهیسې یې په افغانستان کې د کرنې او بیارغونې په برخو کې خیریه کارونه ترسره کول، څو ورځې مخکې د ولسمشر له خوا ورته د افغانستان تابعیت هم ورکړ شو.

نن (د لېندۍ ۱۵مه) د خوست ولایت چارواکو اعلان وکړ چې په افغانستان کې د ناکامورا د ښو خدمتونو په پار د خوست ښار د سبزي منډوي ته نږدې یوه څلورلارې یې د هغه په نوم ونوموله.

د خوست د والي ویاند عبدالواحد پټان په هغو مراسمو کې چې په یاد مناسبت جوړ شوي وو، پژواک خبري اژانس ته وویل: ((موږ د ناکامورا د ښو خدمتونو په پار او د چاپان له خلکو سره د غمرازۍ ښودلو لپاره، دغه څلورلارې د هغه په نوم ونوموله.))

هغه زیاته کړه چې ناکامورا د افغانستان د خلکو لپاره ډېر خدمتونه کړي دي او ډېر ژر به د هغه قاتیلین ونیول شي او د قانون منګولو ته به وسپارل شي.

د خوست یو مدني فعال بوستان د ناکامورا وژل کېدل یوه لویه ضایع بولي او د چاپان له خلکو سره یې خپله خواخوږي وښوده.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.