د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په نیمروز ولایت کې یو سیمه ییز خبریال وهل شوی

په نیمروز ولایت کې یو سیمه ییز خبریال وهل شوی

Dec 07, 2019 - 19:31

نیمروز (پژواک ۱۶ ليندۍ ۹۸): په نیمروز کې د دغه ولایت د امنیتي ځواکو له خوا یو سیمه ییز خبریال وهل شوی دی.

د نیمروز د امنیه قوماندانۍ د مطبوعاتي دفتر کارکوونکي حامد پژواک خبري اژانس ته وویل چې تېره ورځ مازیګر مهال کله چې خبریال د کور په خوا روان و، د زرنج د پخواني هوایي ډګر څېرمه د امنیت د منسوبینو له خوا وهل شوی دی.

حامد چې له دې وړاندې د نیمروز د ۱۱ سیمه ییز ټلوېزویون خبریال و او وروسته یې د دغه ولایت په امنیه قوماندانۍ کې د خبریال په توګه دنده ترسره کوله، وویل، پردې سربېره چې خپل ځان یې د ملي امنیت منسوبینو ته ور پېژندلی و، خو سخت وهل شوی او ټکول شوی دی.

نوموړي زیاته کړه: «دا لومړی ځل نه دی چې د نیمروز ولایت د ملي امنیت پرسونل خبریالان وهي او ډوبوي، ډېر ځله د ملي امنیت د کاکوونکو له خو خبریالانو ته سپکاوي شوی دی.»

حامد زیاته کړه: «څو میاشتې وړاندې مې په نیمروز ولایت کې له یوې خصوصي رسنۍ سره دنده ترسره کوله، ممکن له همغه وخته د یوشمېر مواردو په اړه د اطلاعاتو په وکولو کې یې راسره څه ستونزه درلوده؛ یا به مې کومه موضوع د دوی په خوښه نه وي خپره کړې.»

د نیمروز د خبریالانو د اتحادیې رییس نقیب الله شریفي پژواک ته وویل چې تېره ورځ مازیګر مهال د نیمروز د امنیتي قوماندانۍ د مطبوعاتي دفتر کارکوونکی حامد چې غوښتل یې خپل کور ته لاړ شي، د ولایت د ملي امنیت ریاست د کارکوونکو له خوا درول شوی او وهل شوی ټکول شوی، چې د شا له خوا لږ ټپي شوی دی.

نوموړي زیاته کړه: «موږ له عدلي او قضایي بنسټونو څخه د دغې موضوع د جدي څېړنې غوښتنه کوو.»

ده وویل، هېڅوک حق نه لري څو د سړک پر غاړه خبریال دا ډول ووهي، که هغه کومه تېروتنه کړې وای، نو امنیت کولای شوای له نوموړي سره قانوني چلند کړی وای.

هغه زیاته کړه چې د خبریالانو د خونديتوب په اړه فوق العاده ناسته به د دغې موضوع په اړه جدي بحث وکړي.

د حامد پلار انجنیر سميع چې هغه هم په یوه رسنۍ کې خبریال دی، وویل چې تصمیم لري رسمي شکایت ثبت کړي او د زوی لپاره یې د عدالت غوښتنه وکړي.Top of Form

د نیمروز ملي امنیت په دې اړه له نظر ورکولو ډډه وکړه.

خو د نیمروز د والي مرستیال محمد نبي براهوي پژواک خبري اژانس ته وویل چې دا قضیه په جدي ډول څېړي.

ورته راپورونه:

نظر ورکړئ

اعلانونه

Advertisement