د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ننګرهار کې څلور کسان له ٢٢٦ کيلوګرامه نشه يي توکو سره نيول شوي

ننګرهار کې څلور کسان له ٢٢٦ کيلوګرامه نشه يي توکو سره نيول شوي

Dec 08, 2019 - 09:26

جلال اباد (پژواک، ١٧ لېندۍ ٩٨): د ننګرهار چارواکي وایي، پولیسو په جلال اباد ښار کې ۴ کسان د ۲۲۶ کیلوګرامه نشه یې توکو سره یو ځای نیولي دي .

د ننګرهار د والي وياند عطاءالله خوږياڼي پژواک اژانس ته وويل، پولیسو د جلال اباد ښار د اوومې او نهمې حوزو او بټي کوټ ولسوالۍ په مربوطاتو کې د درېیو بېلابېلو عملیاتو په ترڅ کې په درې وسایطو کې ځای پر ځای شوي ۱۴۱ کیلوګرامه چرس او ۸۵ کیلوګرامه تریاک له ۴ تنو سره یو ځای نیولي دي.

د دغه ولایت د امنیې قوماندانۍ د مطبوعاتو امر دویم څارن فرید خان وایي، د نشه یې توکو پر ضد د مبارزې پولیسو یې د اوومې ناحیې اړوند په دوه سرکي سیمه کې په یو ویکسار موټر کې ځای پر ځای شوي ۱۶ کیلوګرامه چرس له یوه کس سره نیولي.

نوموړي زیاته کړه، یادو پولیسو د نهمې حوزې  اړوند په ثمرخېلو سیمه کې په یو کرولا موټر کې ځای پر ځای شوي ۱۲۵ کیلوګرامه چرس له دوو کسانو سره یو ځای نیولي دي .

د هغه په وينا، پولیسو د ملي اردو له ځواکونو سره په ګډه د بټي کوټ ولسوالۍ په باریکاب سیمه کې په یو ډاډسن موټر کې ځای پر ځای شوي ۸۵ کیلوګرامه تریاک له یو بل تن سره یو ځای نیولي دي .

فريد خان وايي، نیول شوي کسان په اړوند څانګو کې تر څېړنو لاندې دي .

ورته راپورونه:

نظر ورکړئ

اعلانونه

Advertisement