د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

هلمند کې چاودنې ۱۶ پولیسو ته مرګ ژوبله اړولې ده

هلمند کې چاودنې ۱۶ پولیسو ته مرګ ژوبله اړولې ده

Dec 09, 2019 - 11:21

لښکرګاه (پژواک، ١٨ لېندۍ ٩٨): د هلمند په سنګين ولسوالۍ کې د ماين چاودنې له امله د يوه رييس ارکان په ګډون ١١ پوليس وژل شوي او پنځه نور ټپيان شوي دي.

په هلمند کې يوې امنيتي سرچينې د لېندۍ په ١٨مه پژواک خبري اژانس ته وويل چې تېره ورځ ناوخته د سنګين ولسوالۍ د ٦١١ شاهراه کنډک په مربوطاتو کې د ماين چاودنه وشوه.

هغه وايي: ((دغه چاودنه وروسته له هغه وشوه چې پوليسو غوښتل دغه ماين شنډ کړي.))

د سرچينې د معلوماتو له مخې، په دې پېښه کې د ياد کنډک د پوليسو د رييس ارکان سمونيار بسم الله په ګډون ١١ پوليس وژل شوي او پنځه نور ټپيان شوي دي.

دغه راز د هلمند والي محمد ياسين خان هم دغه پېښه تاييد کړه او ويې ويل چې دغه پېښه د پوليسو د بې احتياطۍ له امله رامنځته شوې ده.

والي زياته کړه: ((پوليسو ماين کشف کړی و، د دې پر ځای چې مسلکي کسان يې د شنډولو هڅه وکړي، د پوستې ټول سرتېري پرې راټول شوي او په دې وخت کې د ماين چاودنه شوې ده او تلفات يې ورته اړولي دي.))

بل لور ته طالبان هم دغه پېښه تاييدوي.

د دې ډلې وياند قاري يوسف احمدي وايي چې تېره ورځ ناوخته د ګرشک- سنګين پر لويه لار د ترکود کارېز په سيمه کې پر حکومتي ځواکونو د تاکتيکي ماين چاودنه شوې ده.

هغه وايي چې په دې چاودنه کې د ٦١١ شاهرا کنډک د رييس ارکان په ګډون ګڼ شمېر نور پوليس هم وژل شوي دي.

د يادونې ده، په دې وروستيو کې يو ځل بيا د حکومتي ځواکونو د مرګ ژوبلې کچه لوړه شوې ده.

ورته راپورونه:

نظر ورکړئ

اعلانونه

Advertisement