د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

اصغر افغان يو ځل بيا د کرکټ ملي لوبـډلې لوبـډلمشر وټاکل شو

اصغر افغان يو ځل بيا د کرکټ ملي لوبـډلې لوبـډلمشر وټاکل شو

Dec 11, 2019 - 17:58

کابل (پژواک، ٢٠ لېندۍ ٩٨): د افغانستان کرکټ بورډ، اصغر افغان د ملي لوبډلې د لوبډلمشر او راشد خان يې د مرستيال په توګه ټاکلي دي.

د کرکټ بورډ مشر فرهان يوسفزي د لېندۍ په ٢٠مه په يوه خبري کنفرانس کې دغه اعلان وکړ او ويې ويل چې اصغر افغان به د درېیو واړو لوبـډلو (ټسټ، يو ورځنۍ او شل اووريزو) د ملي لوبډلې کپتان وي.

هغه زیاته کړه، لوبډله په راتلونکي کې د ۲۰ اوریزو اسیا نړیوال جام سیالۍ په مخکې لري او له روزونکي، تخنیکي کمېټۍ او لوبډلمشر سره له مشورې وروسته یې پرېکړه کړې چې اصغر افغان به بېرته د ملي لوبډلې د لوبډلمشر په توګه فعالیت پیلوي.

اصغر افغان له دې مخکې د څلورو کلونو لپاره د ملي لوبډلې د کپتان په توګه دنده ترسره کوله، خو د  روان ۲۰۱۹ کال په پيل کې د نړیوال جام له پیلېدو مخکې له دندې لرې شو او پر ځای يې ګلبدین نايب د ملي لوبډلې کپتان وټاکل شو.

د نايب تر کپتان ټاکل  کېدو وروسته په ملي لوبډله کې اختلافات پيدا شول چې له امله يې افغان لوبډلې په نړيوال جام کې هېڅ يوه لوبه ونه ګټله.

خو تر نړيوال جام وروسته کرکټ بورډ يو ځل بيا کپتان بدل کړ، راشد خان يې نوى لوبډلمشر او اصغر يې ورته مرستيال وټاکلو.

ورته راپورونه:

نظر ورکړئ

اعلانونه

Advertisement