د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د بدخشان د زرمینځلو کارځای کې د لسګونو کارکوونکو بند پاتې کېدل واقعیت نه لري

د بدخشان د زرمینځلو کارځای کې د لسګونو کارکوونکو بند پاتې کېدل واقعیت نه لري

Dec 14, 2019 - 17:07

فیض اباد (پژواک، ۲۳ لېندۍ ۹۸): په بدخشان ولایت کې سیمه ییزې سرچینې وایي چې د دغه ولایت په ارغستان ولسوالۍ کې د زر مینځلو د کار ځای د ښويېدو پېښې له امله د پنځو کسان وژل کېدو، پنځه نورو د ټپي او لسګونو نورو د بند پاتې کېدو خبر واقعیت نه لري.

د ارغستان ولسوال امام حیدر د لېندۍ په شلمه پژواک خبري اژانس ته وویل چې په دې ولسوالۍ کې د زرمینځلو د کارځاي ښويېدنې له امله پنځه کسان ټپیان شوي او شاوخوا ۴۰ نور تر خاورو لاندې شوي دي.

د دې موضوع د څارنې په موخه پژواک خبري اژانس د دوو ورځو په لړ کې د دغه ولایت له مسوولانو سره په اړیکه کې و، تر اوسه له دې پېښې درې ورځې تېرېږي خو د بند پاتې کسانو په اړه پژواک هېڅ اطلاعات نه دي موندلي.

خو د بدخشان د والي ویاند محمد نظري نن سهار د لېندۍ په ۲۳مه پژواک خبری اژانس ته وویل چې په دې پېښه کې یوازې پنځه کسان وژل شوي او پنځه نور ټپیان دي او د بدخشان د سیمه ییزې ادارې د معلوماتو له مخې، د زر مینځلو د کارکوونکو بند پاتې کېدل واقعیت نه لري.

نوموړي په دې پېښه د کارکوونکو بند پاتې کېدل اوازه وبلله.

په همدې حال کې د ارغستان ولسوال امام حیدر نیازي په دې اړه چې له رسنیو سره یې ناسم معلومات شریک کړي وویل: «ځکه چې د زرو مینځلو ساحه په خونیلر کلي کې د طالبانو تر ولکې لاندې ده او هغه راپورونه چې موږ د سیمې له خلکو لرل؛ له تاسو سره مو شریک کړل، هغه امار واقعیت نه لري، واقعیت دا دی چې په دې پېښه کې پنځه کسان وژل شوي او پنځه نور ټپیان شوي دي.»

د ولایتي شورا غړي محبوب الرحمن طلعت هم وویل: «زما د معلوماتو له مخې چې موږ د سیمې له خلکو واخیستل، په دې پېښه کې یوازې د ۵ کسانو مړه کېدل او ۵ نورو ټپي کېدل رښتیا دي او د کارکوونکو بند پاتې کېدل واقعیت نه لري.

د اغستان ولسوالۍ د فیض اباد ښار شمال شرق ته په ۷۰ کیلومترۍ کې پرته ده.

دا په داسې حال کې ده چې سږ او تېر کال د زرمینځلو د کارځایونو د ښویېدو له امله ۶۰ کسانو خپل ژوند له لاسه ورکړی دی.

نښه: 

ورته راپورونه:

نظر ورکړئ

اعلانونه

Advertisement