د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

امنیتي ځواکونو د پکتیکا په خوشامند کې اته ټنه چرس سوځولي

امنیتي ځواکونو د پکتیکا په خوشامند کې اته ټنه چرس سوځولي

Dec 28, 2019 - 16:23

ښرنه (پژواک، ٧ مرغومى ٩٨): د پکتيکا امنيتي مسوولين وايي چې په خوشامند ولسوالۍ کې د عملياتو پر مهال يې اته ټنه چرس سوځولي او ٢٥٠ کيلوګرامه يې له ځان سره راوړي دي.

د پکتيکا امنيه قوماندان سمنوال نثاراحمد عبدالرحيمزي په دې اړه پژواک ته وويل چې پوليسو تېره شپه په ډيله خوشامند ولسوالۍ کې د چرسو پر زېرمو عمليات ترسره کړي دي.

هغه وويل چې په دغو عملياتو کې اته ټنه چرس سوځول شوي او ۲۵۰ کيلوګرامه نور امنيتي ځواکونو له ځان سره راوړي دي.

ده وويل چې د يادو نشه يي توکو د ساتنې په تور درې کسان نيول شوي هم دي.

د نوموړي په وينا، د خوشامند ولسوالۍ ډېرې سيمې د وسله والو طالبانو په کنټرول کې دي، نو ځکه خلک يې په خپلو ځمکو کې چرس کري.

دغه راز د سيمې يوې سرچينې پژواک ته وويل چې په دې ولسوالۍ کې خلکو د چرسو ساتلو لپاره مشخص ځايونه جوړ کړي دي.

ده زياته کړه: ((نيول شوي درې کسان مزدوران دي چې د چرسو په کارخانو کې يې کار کاوه.))

په ورته وخت کې د خوشامند ولسوالۍ اوسېدونکي سيف الله پژواک ته وويل چې په دې ولسوالۍ کې د چرسو د توليد او ساتلو سلګونه کارخانې شته.

د يادونې ده، وړمه شپه هم امنيتي ځواکونو په دغه ولايت کې د عملياتو پر مهال پنځه ټنه چرس له منځه وړي وو.

نښه: 

ورته راپورونه:

نظر ورکړئ

اعلانونه

Advertisement