مزارشريف (پژواک، ۷ مرغومی ۹۸): د بلخ ولايت لومړنۍ محکمې دوه سړي او يوه مېرمن د انسان تښتولو او زنا په جرم پر اتلس او ۱۴ کلونو بند محکوم کړل.
مجرمين چې هر يو زلمی، غلام رسول او سنبل نومېږي، د مرغومي په ۷مه په مزارشريف کې د يوې علني محکمې پر مهال ورته دغه سزا واورول شوه.
د دې پېښې موظف څارنوال کارمل پژواک ته وويل چې مجرمينو د مزارشريف اوسېدونکی حاجی محمد علم لومړی اختطاف کړی او بيا يي د خوشې کېدو په بدل کې ترې دوه سوه زره امريکايي ډالر غوښتي دي.
هغه زياته کړه چې درېیو واړو مجرمينو د تحقيق پر مهال پر خپل جرم اعتراف کړی دی.
تښتول شوی حاجي محمد علم چې په ياده محکمه کې يې ګډون درلود، رسنيو ته يې وويل چې تښتوونکو يې د وژلو پلان درلود.
هغه زياته کړه چې د سنبل نومې ښځې له خوا په دې پلمه چې ګني خپل قرض پيسې به يې ورکوي، غوښتل شوی او بيا د زلمي او غلام رسول له خوا تښتول شوی دی.
د هغه په وينا، څو ورځې له اختطاف کوونکو سره بندي وو چې بيا بالاخره په تېښته بريالی شو.
هغه هم وويل چې تښتوونکو ترې د خوشي کولو بدل کې دوه سوه زره امريکايي ډالر غوښتي وو.
په ورته مهال د مزارشريف ښار د لومړنۍ محکمې قاضي وجيه الدين تورونو کسانو ته د قضايي پلاوي پرېکړه واوروله.
هغه وويل چې د حاجي محمد علم د اختطاف په قضيه کې زلمي او غلام رسول ته د افغانستان د جزا قانون په مطابقت کې اتلس اتلس کاله بند سزا او سنبل نومې ته د زنا په قضيه کې دوه کال او شپږ مياشتې او همدا راز د اختطاف په قضيه کې ۱۲ کاله د تنفيذي بند جزا ورکړل شوه.
يادو مجرمينو هم په ټوله کې د اختطاف موضوع باندې اعتراف کاوه خو د عدالت غوښتنه يې کوله.
د محکمې موظف قاضي دا هم وويل چې مجرمين د استيناف غوښتنې حق او صلاحيت لري.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن