ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

لغمان کې د ۲۱۹ ميليونه افغانيو په لګښت تفريحي پارک جوړېږي

لغمان کې د ۲۱۹ ميليونه افغانيو په لګښت تفريحي پارک جوړېږي

author avatar
30 Dec 2019 - 16:38
لغمان کې د ۲۱۹ ميليونه افغانيو په لګښت تفريحي پارک جوړېږي
author avatar
30 Dec 2019 - 16:38

مهترلام (پژواک، ۹ مرغومی ۹۸): د لغمان په مرکز مهترلام کې د ښاروالۍ او خصوصي سکټور د ۲۱۹ میلیونه افغانیو پر ګډ مالي لګښت باندې د يو تفريحي پارک جوړېدو کار پيل شو.

د لغمان د والي وياند اسدالله دولتزي د مرغومي په ۹مه پژواک اژانس ته وويل چې د سلامزي په نوم دغه تفريحي پارک پر ۳۰۶ جریبه ځمکه جوړېږي چې نن يې د بنسټ ډبره کېښودل شوه.

د مهترلام ښاروال نظیف الله الکوزی وايي، د مرکز مهترلام ښار په پنځمه ناحیه کې د ۲۱۹ میلیونه افغانیو په لګښت پر ۳۰۶ جریبه ځمکه د سلامزي پارک د جوړېدو چارې پیل شوې.

هغه زياته کړه، دغه پارک ته ۱۱۹ میلیونه افغانۍ د مهترلام ښاروالۍ او ۱۰۰ میلیونه نورې د خصوصي سکتور له لوري ځانګړې شوې چې ګڼې اسانتیاوې به ولري او چارې به یې د درېیو کلونو په موده کې بشپړې شي.

د مهترلام ښاروال همدا راز زیاتوي چې د ساختماني چارو له بشپړېدو سره سم به په یاد پارک کې یو پنځه ستوریز هوټل، د اوبو حوض، د سړکونو اساسي پخول او لسګونه هټۍ هم ورغول شي.

الکوزي وویل، په لغمان کې د بېکارۍ ختمېدو په موخه به د دغه پارک په چارو کې اتیا سلنه کاریګر راستانه شوي او داخلي بېځایه شوي وي.

د لغمان والي محمد اصف ننګ په مهترلام کې د دغه ستر پارک د چارو پیل یو اساسي هڅه وبلله او د ښاروالۍ مسوولینو ته یې د چارو د کیفیت او ګړندیتوب په برخه کې لارښوونې وکړې.

هغه وایي، د ولسمشر د حکم مطابق به دغه پارک د یوې ښې او مثبتې نومونې سربېره د مهترلام بابا د زیارت تاریخي برم لپاره خورا ښه ثابت شي.

د لغمان والي دغه راز امنیه قواماندان او نورو مسوولینو ته لارښوونه وکړه که په سیمه کې هر څوک د قانون د پلې کېدو مخه نیسي او د غصب هڅه کوي، د قانون منګولو ته دې وسپاري.

login or register a new account.

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.