د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

تخار کې د ۱۴۲ میلیونه افغانیو په لګښت جوړ شوی پول ګټې اخیستنې ته وسپارل شو

تخار کې د ۱۴۲ میلیونه افغانیو په لګښت جوړ شوی پول ګټې اخیستنې ته وسپارل شو

Jan 05, 2020 - 15:24

تالقان (پژواک، ١٥ مرغومى ٩٨): د تخار په مرکز تالقان ښار کې د ١٤٢ ميليونه افغانيو په لګښت يو پول جوړ او ګټې اخيستنې ته وسپارل شو.

د دغه پول د پرانيستو په مراسمو کې چې نن (د مرغومي ١٥مه) نیول شوي وو، د تخار ولايت د کليو پراختيا رييس صبغت الله احمدي وويل چې دغه پول دوه سوه متره اوږدوالى او شپږ متره سور لري.

د نوموړي د معلوماتو له مخې، یاد پول د تالقانو ښار د نهر چمن په سيمه کې جوړ شوى چې د تخار او بدخشان ولايتونو ترمنځ د لارې واټن هم اووه کيلومتره لنډوي.

دغه راز د تخار د والي وياند جواد هجري پژواک ته وويل، دغه پول د کليو پراختيا وزارت له خوا جوړ شوى چې ٤٠ لوى کلي يې د تالقانو له ښار سره وصل کړي دي.

همدارنګه د نهر چمن سيمې اوسېدونکي قاسم پژواک ته وويل چې پخوا دوى عمومي لار نه درلوده او په ډېرو ستونزو به يې تالقان ښار ته تګ راتګ کاوه خو زياتوي چې د دغه پول په جوړېدو سره يې دغه ستونزه حل شوې ده.

دغه راز د بدخشان اوسېدونکي نورالله پژواک ته وويل چې د دغه پول له جوړېدو مخکې دوى خپل ولايت ته د تګ پر مهال اړ وو چې د تالقانو ښار له منځه تېر شي خو زياتوي چې اوس يې دغه ستونزه هواره شوې ده.

نښه: 

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan