د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په کابل کې یو پخوانی جهادي قوماندان له څو نورو کسانو سره یو ځای وژل شوی

په کابل کې یو پخوانی جهادي قوماندان له څو نورو کسانو سره یو ځای وژل شوی

Jan 06, 2020 - 13:30

 

لومړی تعقیب- کابل (پژواک، ۱۶مرغومی ۹۸): په پروان ولایت کې پخوانی جهادي قوماندان عبدالستار غوربندی د هغه زوی او ورسره څو نور کسان د کابل ښار د یوولسمې امنیتي حوزې په مربوطاتو کې وژل شوي دي.

د یونس ارین په نوم یو کس شاوخوا نهه ساعته مخکې په خپله فېسبوک پاڼه لیکلي: ((د کابل ښار د یوولسمې امنیتي حوزې په مربوطاتو (خیرخانه) کې دغوربند د یوه قومي مشر پر مېلمستون د ناپېژندو وسله والو په برید کې پخوانی جهادي قوماندان امر عبدالستار غوربندی، د نوموړي زوی او پنځه خپلوان شهیدان شوي دي.))

نوموړي لیکلي، امر عبدالستار په غوربند کې د طالبانو ضد څېره وه او له کلونو راهیسې یې د طالبانو پر ضد جګړه وکړه.

خو د ولسي جرګې رییس میر رحمان رحماني د دې جرګې په نننۍ ناسته کې وویل، امر ستار او دوه نور کسان د ملي امنیت سرتېرو په عملیاتو کې وژل شوي دي.

په ورته وخت کې ځينو رسنیو هم راپور ورکړی چې «د جمعیت ګوند پخوانی قوماندان او په غوربند کې د ولسي پاڅون کوونکو قوماندان» د نوموړي د زوی په ګډون له څلورو کسانو سره یو ځای د ملي امنیت سرتېرو په عملیاتو کې وژل شوی او یادو سرتېرو دوه کسان له ځان سره وړي دي.

په ولسي جرګه کې د پروان د خلکو استازي عبدالعزیز حکیمي د دې جرګې په نننۍ ناسته کې د یاد مطلب ترڅنګ وویل: ((د کابل ښار یوولسمه امنیتي حوزه پر یو وحشتناکه سیمه بدله شوې، مسوولین یې د امنیت د ټینګښت پر ځای د ځان لپاره د پناه ځای په پیدا کولو بوخت دي.))

د کابل پولیسو د  قوماندانۍ د ۱۰۱ اسمايي زون ویاند فردوس فرامرز پژواک خبري اژانس ته وویل، تېره شپه د کابل ښار د یوولسمې امنیتي حوزې اړوند سیمه کې عملیات روان وو، خو په دې اړه یې جزئیات ورنه کړل.

نوموړي وویل چې کورنیو چارو وزارت په دې اړه معلومات ورکولای شي.

پژواک هڅه وکړه چې د کورنیو چارو وزارت له مطبوعاتي دفتر او ملی امنیت له عمومي ریاست سره خبرې وکړي خو له یادو دوو سرچینو سره اړیکه ټینګه نه شوه.

د یاد برید مسوولیت تر اوسه کومې ډلې په غاړه نه دی اخیستی.

ورته راپورونه:

نظر ورکړئ

اعلانونه

Advertisement