د سالنګ لویه لار د سختو بادونو له امله د ترافیکو پر مخ وتړل شوه

 

کابل (پژواک، ۱۸ مرغومی ۹۸): د سالنګ لویه تېره شپه د تېزو بادونو او د لید ساحې د محدودېدو له امله د ترافیکو پر مخ تړل شوې ده.

د سالنګونو د ساتنې او مراقبت اجرائیه مدیر سمیع الله د یاد مطلب ترڅنګ وايي چې په جنوبي سالنګ کې د لید ساحه د تندو بادونو له امله محدوده شوې ده.

د ده په خبره، یاده لار ځکه د ترافیکو پر مخ تړل شوې چې د احتمالي خطرونو مخه ونیول شي.

دغه لویه لار چې د هېواد شمالي ولایتونو له مرکز سره تړي د هندوکش غړونو ترمنځ له یوه تونله تېرېږي چې ۲،۷ کیلومتره اوږدوالی لري.

په ژمي کې له دې لارې تګ راتګ له خطر سره مخ کېدلای شي.

د ۱۳۸۸ کال سلواغې په میاشت کې د تند طوفان او واورې ښویېدو له امله په جنوبي سالنګ کې شاوخوا ۱۷۰ کسان مړه او ۱۲۵ نور ټپیان شوي دي.

login or register a new account.