د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

غزني کې دوه پاڅونوال او کندوز کې شپږ طالبان وژل شوي

غزني کې دوه پاڅونوال او کندوز کې شپږ طالبان وژل شوي

Jan 11, 2020 - 16:50

غزني- کندوز (پژواک، ٢١ مرغومى ٩٨): حکومتي چارواکي وايي، په غزني کې دوه پاڅون کوونکي او کندوز کې شپږ طالبان وژل شوي او اووه نور ټپيان دي.

د غزني د والي وياند محمد عارف نوري د مرغومي په ٢١مه پژواک خبري اژانس ته وويل، نن له غرمې مخکې د قره باغ ولسوالۍ دوه پاڅون کوونکو پرته له دې چې خپل نور ملګري په جريان کې کړي، د غزني ښار پر لور يې حرکت کړي دي.

د ده په وينا، کله چې دغه پاڅون کوونکي د يادې ولسوالۍ باران کلا سيمې ته رسيږي، طالبان يې له موټر ښکته کوي او ترمنځ يې لفظي شخړه کېږي.

ده وويل: ((تر لفظي شخړې وروسته طالبان پرې ډزې کوي او دواړه ځاى پرځاى وژني.))

دغه راز د سيمې يوه اوسېدونکي احسان الله پژواک ته وويل چې د وژل شويو کسانو جسدونه تر غرمې پورې په سيمه کې پراته وو.

نوموړي زياته کړه: ((هېڅوک د طالبانو له وېرې نږدې نه شي ورتللى چې جسدونه پورته کړي، په واورو کې پراته دي.))

دغه راز د يوه بل خبر له مخې، په کندوز کې شپږ طالبان وژل شوي دي.

کندوز کې د ٢١٧ پامير قول اردو مرستيال هادي جمال پژواک ته وويل چې امنيتي ځواکونو په اقتاش ولسوالۍ کې عمليات ترسره کړي دي.

هغه وايي، د دغو عملياتو په ترڅ کې د طالبانو د يوه سيمه ييز قوماندان ملا خليل په ګډون شپږ تنه وژل شوي او ٧ نور ټپيان شوي دي.

د نوموړي په وينا، د همدې عملياتو په لړ کې جنګل باشي، غارچي، جنت باغ، لرخابي او کابل قشلاق سيمې د طالبانو له شتون څخه پاکې شوې دي.

ده زياته کړه، د عملياتو په ترڅ کې د طالبانو پنځه پټنځايونه، يو ارتباطي تونل او ٥١ ماينونه هم له منځه وړل شوي دي.

د يادو دواړو پېښو په اړه وسله والو طالبانو تر اوسه څه نه دي ويلي.

ورته راپورونه:

نظر ورکړئ

اعلانونه

Advertisement