د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د سالنګ لاره پرته له ټېلري موټرو د ترافیکو پرمخ خلاصه شوه

پېښې

ارشيف

د سالنګ لاره پرته له ټېلري موټرو د ترافیکو پرمخ خلاصه شوه

Jan 14, 2020 - 12:04

 

کابل (پژواک، ۲۴ مرغومی ۹۸): د سالنګ لویه لار چې د ډېرو واورو او توپان له امله د ترافیکو پر مخ تړل شوې وه، لږ مخکې پرته له ټېلري موټرو، بېرته د ترافیکو پر مخ پرانیستل شوه.

دا لویه لار دوه ورځې مخکې د واورې ورېدو او توپان له امله د ټېلري او پرون د ټولو موټرو پر مخ تړل شوې وه.

د سالنګونو د ساتنې او څارنې اجرایوي مدیر سمېع الله پژواک خبري اژانس ته وویل چې دا لویه لار پرته له ټېلري موټرو نن سهار شاوخوا نهه نیمې بجې د نورو موټرو پر مخ پرانیستل شوه.

هغه زیاته کړه چې په سوېلي سالنګ کې شپږ ځایه واوره ښوېدلې وه؛ خو پاکه شوې ده.

دغه لویه لار چې مرکز له شمالي ولایتونو سره وصلوي، د هندکش په لوړو غرونو کې  د پروان او بغلان ولایتونو ترمنځ له یوه تونله تېرېږي چې ۲،۷ کیلومتره اوږدوالی لري.

په ژمي کې له دې لارې تېرېدل له خطره خالي نه وي.

د ۱۳۸۸ کال د سلواغې په میاشت کې په سوېلي سالنګ کې د واورې ښویېدنې او سخت توپان له امله، شاوخوا ۱۷۰ کسان مړه او ۱۲۵ نور ټپیان شول.

ورته راپورونه:

نظر ورکړئ

اعلانونه

Advertisement