کندهار ښار (پژواک، ۲۶ مرغومی ۹۸): د کندهار ښار عینو مېنې ته څېرمه د ملي اردو پر موټر د سړک غاړې ماین چاودنې دوه کسان ټپيان کړي دي.
پېښه نن (د مرغومي ٢٦مه) سهار شاوخوا اته بجې د عنیو مېنې د پکتیا په نوم دروازې ته څېرمه شوې ده.
په کندهار کې د ملي اردو د ۲۰۵ اتل قول اردو ویاند صادق عیسی پژواک خبري اژانس ته وویل، د ملي اردو د ۲۰۵ قول اردو اړوند د تخنیکي عملې پر موټر هغه مهال د سړک غاړې ماین وچاودېد چې دندې ته پر لاره و.
هغه زیاته کړه، په دې چاودنه کې ۲ تخنیکي کارکوونکي ټپيان شوي او موټر یې زیانمن شوی دی.
دی وايي، ټپيان د قول اردو نظامي روغتون ته رسول شوي او روغتیا یې د ډاډ وړ ده.
د دې پېښې مسوولیت تر دې مهاله چا نه دی منلی.
د يو بل خبر له مخې، نن سهار د بغلان په مرکز پلخمري ښار کې امنيې قوماندانۍ ته څېرمه چاودنه شوې وه.
د قوماندانۍ وياند جاوېد بشارت پژواک ته وويل، چاودنه د يوې هټۍ مخې ته شوې چې له امله يې يو پوليس ټپي شوى دى.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن