د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د اروزګان امنيه قوماندان له دندې ګواښه کړاى شو

د اروزګان امنيه قوماندان له دندې ګواښه کړاى شو

Jan 17, 2020 - 12:25

ترينکوټ (پژواک، ٢٧ مرغومى ٩٨): د کورنيو چارو وزارت د اروزګان امنيه قوماندان مل پاسوال خطاب خنجري له دندې ګوښه کړى دى.

شاوخوا دوه اونې وړاندې د دغه ولايت د يو شمېر ولسواليو امنيه قوماندانانو د يوې غونډې په ترڅ کې وويل چې امنيه قوماندان مل پاسوال خطاب خنجري له دوى څخه هره مياشت سلګونه زره پېسې غواړي.

هغوئ پر امنيه قوماندان د اداري فساد نور تورونه هم پورې کړل او ويې ويل چې د پوليسو له مياشتني تنخوا څخه هم پېسې اخلي.

په اروزګان کې يوې حکومتي سرچينې د مرغومي په ٢٧مه پژواک خبري اژانس ته وويل چې خنجري له دندې ګوښه کړاى شوى او کابل ته غوښتل شوى دى.

د نوموړي پر ځاى دا مهال د اروزګان د امنيت امر ډګروال سردار محمد حيا سرپرست امنيه قوماندان ټاکل شوى دى.

حيا پژواک ته وويل چې د کورنيو چارو وزارت خنجرى کابل ته غوښتى او دى يې پرځاى سرپرست ټاکلى دى.

ده زياته کړه: ((دا چې امنيه قوماندان ولې وزارت غوښتى دى او يا هم چې څارنوالى ته معرفي شوى او کنه په دې اړه زه معلومات نه لرم.))

پژواک د کورنيو چارو وزارت د هغه مکتوب کاپي هم ترلاسه کړې چې له مخې يې امنيه قوماندان خطاب خنجري کابل ته غوښتل شوى او پرځاى سردار محمد حيا سرپرست ټاکل شوى دى.

ورته راپورونه:

نظر ورکړئ

اعلانونه

Advertisement