ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

شاهين: له امريکايي لوري سره د سولې هوکړه ليک په تړاو خبرې وشوې

شاهين: له امريکايي لوري سره د سولې هوکړه ليک په تړاو خبرې وشوې

author avatar
17 Jan 2020 - 11:26
شاهين: له امريکايي لوري سره د سولې هوکړه ليک په تړاو خبرې وشوې
author avatar
17 Jan 2020 - 11:26

کابل (پژواک، ٢٧ مرغومى ٩٨): د طالبانو د سياسي دفتر وياند وايي چې دوى تېره ورځ له امريکايي لوري سره د سولې هوکړه ليک په اړه خبرې اترې کړي دي.

د وسله والو طالبانو د سياسي دفتر وياند سهيل شاهين په خپله ټوېټر پاڼه کې ليکلي دي چې پرون د طالبانو استازو د زلمي خليلزاد په مشرۍ له امريکايي پلاوي سره د سولې هوکړه ليک په اړه خبرې اترې کړي دي.

ده زياته کړه چې طالبانو د ملا عبدالغني برادر په مشرۍ د چهار شنبې په ورځ هم له امريکايي لوري سره په دې تړاو خبرې کړې وې.

نوموړي دغه خبرې اترې ګټورې بللي او ويلي دي چې د مذاکراتو دغه لړۍ به څو ورځې دوام وکړي.

بل لورته د افغانستان د سولې په برخه کې د امريکا د بهرنيو چارو وزارت ځانګړي استازي زلمي خليلزاد تر اوسه په دې اړه څه نه دي ويلي.

د يادونې ده، د امريکا او طالبانو ترمنځ دويم پړاو خبرې وروسته له هغه په قطر کې له ځنډ او خنډ سره مخ شوې چې طالبانو په بګرام کې د امريکا پر سترې پوځې اډې ډله ييز بريد وکړ.

له دغه بريد وروسته د امريکا ځانګړي استازي زلمي خليلزاد له طالبانو وغوښتل چې له خپلو مشرانو سره د اوربند او تاوتريخوالي کمولو په اړه مشورې وکړي.

خليلزاد له تېرو څو ورځو راهيسې په قطر کې دى، خو تر اوسه يې د طالبانو ځواب نه دى ترلاسه کړى.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.